| e-texts navigator |
| Wylie |
271a1 འདས་སྙིང་པོ་ངོ་བོ་ཉིད།། དེ་དོན་རྣམ་པར་དབྱེ་བ་ནི།། ཀུན་བཟང་རྒྱུད་དུ་ངས་བཤད་ཀྱིས།། དད་ལྡན་ཕྱི་རབ་རྟོག་པར་གྱིས།། རྫོགས་པ་ཆེན་པོ་ངེས་དོན་འདུས་པ་ལས་སྙིང་པོ་ངེས་དོན་འདུས
271a2 པར་བསྟན་པའི་ལེའུ་སྟེ་བདུན་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པ་ཆོས་རྗེ་ཡིས།། དཔེ་དང་དོན་དུ་བཀའ་སྩལ་པ།། དཔེར་ན་ཝཱ་ར་ཎཱ་སཱིའི་རས།། ཚོན་གྱི་རྐྱེན་གྱིས་བསྐུར་བྱས
271a3 ནས།། ཁ་དོག་སྣ་ཚོགས་ཅིར་སྣང་ཡང་།། རས་སུ་དབྱེར་མེད་ངོ་བོ་གཅིག། སེམས་ཀྱི་སྣང་བ་སྣ་ཚོགས་པས།། ཡུལ་དབང་རྐྱེན་གྱིས་སོ་སོར་སྣང་།། དེ་ཡང་འཁྲུལ་པའི་སེམས་སུ་སྣང་།། དེ་ཕྱིར་སྣང་བ་ངེས་མེད
271a4 ཡིན།། ཤེལ་སྒོང་དག་གི་ནང་དུ་ནི།། ཁ་དོག་སྣ་ཚོགས་རས་བཞག་པས།། ཁ་དོག་སྣ་ཚོགས་ཅིར་ཡང་སྣང་།། སྣང་ཡང་ཤེལ་ལ་འགྱུར་བ་མེད།། དེ་བཞིན་རང་བྱུང་ངོ་བོ་ལ།། གཟུང་འཛིན་རྐྱེན་གྱིས་རིས་དྲུག
271a5 འབྱུང་།། འཁྲུལ་པའི་ངོ་ལ་ཅིར་ཡང་སྣང་།། སྣང་ཡང་གཞི་ལ་འགྱུར་བ་མེད།། ད་ཡང་འདུས་པའི་སྙིང་པོ་ཉོན།། གསེར་བཟོའི་ལག་གིས་བསྒྱུར་བྱས་ནས།། ཆོལ་ཟངས་དྲི་ཆུའི་སྣོད་བྱས་ན།། གསེར་ཀྱང་ངན་པའི
271a6 རྫས་སུ་སྣང་།། དེ་བཞིན་འཁྲུལ་པས་བརྟགས་ཙམ་ན།། ཡུལ་ཀྱང་མ་དག་འཇིག་རྟེན་ཁམས།། ངམ་གྲོག་གཡང་ས་ཚེར་དོང་སྣང་།། གསེར་སྐུ་མཆོད་རྟེན་བྱས་ཙམ་ན།། ཚོགས་བསགས་རྟེན་དུ་འགྱུར་བའི
iiif viewer powered by OpenSeadragon
