| e-texts navigator |
| Wylie |
270b1 སྡང་སེམས།། དེ་ཕྱིར་འཁོར་བའི་རྩ་བ་སྟེ།། ཉོན་མོངས་བག་ཆགས་བསྐྱེད་པར་བྱེད།། སེམས་ནི་ཚོགས་བརྒྱད་མུན་པ་འདྲ།། དེ་འདྲ་ལུང་གི་སློབ་དཔོན་གྱིས།། རིག་པའི་གཏན་ཚིགས་རྣམ་བཞི་ནི།། ཡུལ་གྱི་སྣང
270b2 བ་འདི་ཉིད་ལ།། གཞིག་པར་རང་བཞིན་མེད་པར་ཤེས།། གསལ་ལ་མི་རྟོག་གང་བསྒོམ་པ།། ཐོས་པའི་ཤེས་རབ་ཡིན་པའི་ཕྱིར།། རིག་པ་ཡིན་ཏེ་ཡེ་ཤེས་མིན།། དེ་ཡང་འདུས་པའི་སྙིང་པོ་ཉོན།། སེམས་དང་རིག
270b3 པའི་བར་དུ་ནི།། ལུང་ལྡན་ངེས་པའི་གདམས་ངག་གིས།། སྣང་བ་གཏན་ཚིགས་མ་གཞིགས་པ།། འཁོར་འདས་མ་རིག་ཆོས་ཀྱི་སྐུ།། གཞི་ཤེས་ནང་གི་རིག་པ་དེ།། བསམ་པའི་ཤེས་པ་ཡིན་པའི་ཕྱིར།། རང་བྱུང
270b4 ཡིན་ལ་ངེས་ཤེས་མིན།། ནམ་ལངས་མུན་པ་མེད་པ་འདྲ།། ད་ཡང་རྡོ་རྗེ་སེམས་དཔའ་ཉོན།། ཡེ་ཤེས་ཆོས་སྐུའི་བར་དུ་ནི།། རྣལ་འབྱོར་རིག་པའི་བློ་ལྡན་པས།། སེམས་ཅན་རྒྱུ་བ་རྒྱུན་གཅོད་པས།། ཡེ་ཤེས་འགག།
270b5 པ་མེད་པར་གསལ།། བསྒོམ་པའི་ཤེས་རབ་ཡིན་པའི་ཕྱིར།། མཉམ་གཞག་ངང་ལ་ཡེངས་པ་མེད།། རྗེས་ཐོབ་མ་ཡེངས་རྟིང་བཞིན་དུ།། ཡེ་ཤེས་ངང་ལས་ཆོས་སྐུ་བཙལ།། དེ་ཤེས་གདེང་གིས་ཟིན་པ་ནི།། ཉི་ཤར
270b6 མུན་གྲིབ་མེད་པ་འདྲ།། དེ་ཡང་འདུས་པའི་སྙིང་པོ་ཉོན།། སེམས་ཀྱི་སྙིང་པོ་རིག་པ་དང་།། སངས་རྒྱས་སྙིང་པོ་ཡེ་ཤེས་དང་།། ཆོས་ཀྱི་སྙིང་པོ་རྫོགས་ཆེན་དང་།། འབྱུང་བའི་སྙིང་པོ་ནམ་མཁའ་དང་།། འཁོར
iiif viewer powered by OpenSeadragon
