| e-texts navigator |
| Wylie |
26b1 མན་ངག། ཨ་བཛྲ་ཧཾ་མ་རཏྣ་ཀཱ་ཡ་ཨོཾ་ཛྙཱ་ན་ཀ་ལ་བ་ག་བེ་ཀུ་ལ་ཡ་སན་ཙ་ཧཱུཾ་དྷ་རྨ་ས་ར་ཀེ་ཏུ་ཧ་དུ་ཡ་ཨཱ། དེའི་ཚེ་བཅོམ་ལྡན་འདས་རྡོ་རྗེ་འཆང་ཆེན་པོ།། ཐུགས་རྗེ་འབྱུང་བ་སྐུ་གསུམ་གྱི་དགོངས་པ་ལ་སྙོམས་པར
26b2 ཞུགས་སོ།། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་། འཁོར་བའི་རོལ་པར་ཤར་བ་དེ་ལྟར་ན།། དེ་ཡི་འདུལ་བྱེད་གཉིས་པོ་རུ།། དག་པ་ཆོས་སྐུ་ཆེན་པོ་ལས།། སྐུ་གཉིས་རོལ་པ
26b3 ཇི་ལྟར་ཤར།། ཞེས་ཞུས་སོ།། སྟོན་པས་བཀའ་སྩལ་པ། ཐུགས་རྗེའི་སྐྲ་གཉིས་སྣང་བ་ཡང་།། ནམ་མཁའ་ལྟ་བུའི་ཆོས་ཉིད་ལ།། མན་ཤེལ་ལྟ་བུའི་རིག་པ་གསལ།། ཉི་ཟེར་ལྟ་བུའི་ཐུགས་རྗེ་བྱུང་།། ནད་པ་ལྟ་བུའི
26b4 རིགས་དྲུག་ལ།། མུན་པ་ལྟ་བུའི་གཏི་མུག་པས།། དུག་གསུམ་ནད་རྣམས་སེལ་བར་བྱེད།། ཅེས་གསུངས་སོ།། ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་མགོན་པོ་རྡོ་རྗེ་འོད་དཔག་མེད།། ཆོས་སྐུ་གཞི
26b5 ཆེན་པོ་ལ།། འབྲས་བུ་ལོངས་སྐྲ་ཇི་ལྟར་རྫོགས།། ཞེས་ཞུས་སོ།། སྟོན་པས་བཀའ་སྩལ་པ།། ཐུགས་རྗེ་སྐ་གཉིས་སྣང་བ་ཡང་།། གདུལ་བྱ་རྣམས་ལ་ཤར་བར་བཟད།། རང་ལས་ཤེས་རབ་སྐར་སྣང
26b6 བར།། མཚན་མར་བཅས་པའི་སྐུ་མི་སྣང་།། ཡེ་ཤེས་རང་རིག་ཆེན་པོ་ལ།། མཚན་མ་གཞན་སྣང་རྣམ་རྟོག་མེད།། ཡང་གསང་བའི་བདག་པོས་ཞུས་པ། ཀྱེ་ཀྱེ་སྟོན་པ་ཐུགས་རྗེ་ཆེ་མངའ་བས།། ཤེས་རབ་སྐུ
iiif viewer powered by OpenSeadragon
