| e-texts navigator |
| Wylie |
267b1 སྐུར་མེད།། མཐའ་དབུས་མེད་པས་རྒྱུ་འབྲས་མེད།། དེ་ཡང་ཆོས་ཉིད་གནས་ལུགས་ཡིན།། དེ་ཡང་རྡོ་རྗེ་སེམས་དཔའ་ཉོན།། གཞི་གཅིག་གང་ཡང་མི་འགལ་བ།། སངས་རྒྱས་རྣམས་ཀྱི་གནས་ལུགས་ཡི།། རྫོགས།
267b2 པ་ཆེན་པོ་ངེས་དོན་འདུས་པ་རིན་པོ་ཆེ་རྣམ་པར་བཀོད་པ་ལས། དོན་ཆོས་ཉིད་ཀྱི་གནས་ལུགས་བསྟན་པའི་ལེའུ་སྟེ་གཉིས་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་རྒྱལ་པོས་བཀའ་སྩལ
267b3 པ།། དོན་ལྡན་སྣོད་བཅུད་རིམ་པ་ནི།། ཡང་དག་ངེས་པའི་སངས་རྒྱས་དོན།། གསང་སྔགས་ཀུན་གྱི་རྩ་བ་ཡིན།། དབང་རྣམས་རིམ་པར་རྫོགས་བྱས་ནས།། ཆོས་ཀྱི་གཞུང་དང་མི་འགལ་བར།། ཐོས་སྦྱངས་ཀུན་ལ
267b4 རབ་སྦྱངས་ནས།། ངེས་དོན་བཀའ་རྒྱུད་གསང་བ་ཡི།། དམ་པའི་མཛོད་ཀྱི་གཏེར་ལྡན་ཞིང་།། སྲིད་པར་ཞུས་ཀྱང་ཚད་མེད་པའི།། བླ་མ་རྡོ་རྗེ་སློབ་དཔོན་དེ།། ཚུལ་འཆོས་མེད་པར་གདེང་ལྡན་པའི།། དཔེ་ནི
267b5 ནགས་ཀྱི་སེང་གེ་བཞིན།། གཅིག་པུར་གནས་ཀྱང་དོན་ལྡན་ལ།། སངས་རྒྱས་དགོངས་པ་ཐུགས་ལ་གསལ།། ད་ཡང་རྡོ་རྗེ་སེམས་དཔའ་ཉོན།། སྐལ་ལྡན་སློབ་མའི་མཚན་ཉིད་ནི།། བླ་མ་ལ་གུས་དད་ལྡན
267b6 པས།། སེར་སྣ་ཆུང་ལ་བརྩོན་འགྲུས་ཆེ།། བརྩེ་གདུང་དམ་ཚིག་མི་འགལ་བསྲུང་།། དོན་གསང་ཐུགས་ལ་ཤེས་རབ་ཟབ།། ཚུལ་ཤེས་ངང་བཟང་རྣམས་ཀྱི་དོན།། ཡོན་ཏན་ཟད་མེད་རིན་ཆེན་གཏེར།། ཐམས་ཅད
iiif viewer powered by OpenSeadragon
