| e-texts navigator |
| Wylie |
267a1 ལུགས་བཀའ་སྩལ་པ།། འཁོར་བ་མྱ་ངན་འདས་པའི་ཆོས།། གཞི་ལ་ཡང་དག་མེད་པའི་ཕྱིར།། རང་རིག་རྟོགས་པའི་ཆོས་སྐུ་ལ།། སྣང་བ་གཟུགས་བརྙན་མི་འགོག་པ།། ཆོས་ཉིད་ངེས་པའི་གནས
267a2 ལུགས་ཡིན།། ཡེ་ནས་རང་བྱུང་རིག་པ་འདི།། ཡེ་ནས་ཡང་དག་ངོས་ཟིན་ཅིང་།། བྱ་བ་མེད་ཅིང་བསྒྲུབ་ཏུ་མེད།། དེ་ཡང་ཆོས་ཉིད་གནས་ལུགས་ཡིན།། ཡེ་ནས་རང་ལ་གནས་པའི་དོན།། གཞན་ནས་མི་འབྱུང་ཆོས
267a3 ཀྱི་སྐུ།། རྒྱུ་ལས་མ་བྱུང་བདག་མེད་པས།། དེ་ཡང་ཆོས་ཉིད་གནས་ལུགས་ཡིན།། རང་བྱུང་ངོ་བོ་ཉིད་ཀྱི་སྐུ།། མ་བཅོས་མ་བསླད་དོན་ཡིན་ཕྱིར།། མ་ནོར་ཇི་བཞིན་མ་འགགས་པ།། དེ་ཡང་ཆོས་ཉིད་གནས་ལུགས
267a4 ཡིན།། དུས་གསུམ་གཅིག་པར་ངེས་པའི་ཕྱིར།། མ་སྐྱེས་མི་ནུབ་ཡེ་ཤེས་ནི།། མི་འབྱུང་མི་འགྲོ་ཡེ་གནས་པ།། དེ་ཡང་ཆོས་ཉིད་གནས་ལུགས་ཡིན།། རང་བྱུང་རིག་པ་རང་གསལ་ཏེ།། ཀུན་ལ་ཁྱབ་པ་མི་བྱེད
267a5 བལྟ་རུ་མེད་པས་ཐ་སྙད་མེད།། དེ་ཡང་ཆོས་ཉིད་གནས་ལུགས་ཡིན།། དངོས་མེད་རང་རིག་ཡེ་ཤེས་དེ།། མཚོན་དུ་དཔེ་མེད་རྟོག་ལས་འདས།། བསམ་དུ་མེད་པ་བསམ་མི་ཁྱབ།། དེ་ཡང་ཆོས་ཉིད་གནས
267a6 ལུགས་ཡིན།། ངོ་བོ་རང་བྱུང་སྙིང་པོ་དེ།། རྒྱུ་ལས་མ་བྱུང་རྐྱེན་མེད་པས།། དངོས་པོ་མ་ཡིན་རྟག་ཆད་མེད།། དེ་ཡང་ཆོས་ཉིད་གནས་ལུགས་ཡིན།། སྣང་བ་རང་གསལ་ཆོས་དབྱིངས་ལ།། སྤྲོས་དང་བྲལ་བས་སྒྲོ
iiif viewer powered by OpenSeadragon
