| e-texts navigator |
| Wylie |
266b1 དོན་ཆེན་འདི།། རྡོ་རྗེ་སེམས་དཔས་དོན་རིག་ནས།། གཙང་རིགས་ལྷ་ཡི་གནས་ཆེན་དུ།། བརྩེར་དགོངས་དུས་ལ་བབ་གྱུར་ནས།། རིག་འཛིན་འཁོར་ལ་དབང་བསྐུར་ཏེ།། གསང་སྔགས་རང་གི་ངོ་བོས
266b2 བཤད།། དུས་དེར་སྙིང་པོ་སེམས་དག་གིས།། ཕྱོགས་བཅུའི་འདུས་པའི་སངས་རྒྱས་ལ།། ཞུ་བ་ཞུས་ནས་ཐེ་ཚོམ་བཅད།། དེ་ཉིད་མངོན་དགའི་ཕུག་ཏུ་ཞུགས།། དེ་བསྐུལ་སྤྲུལ་པ་འཛམ་གླིང་དུ།། བྱང་ཆུབ་མོ་ཡི
266b3 བུར་སྐྱེས་ནས།། རིག་པའི་གནས་ལྔ་ཐམས་ཅད་མཁྱེན།། ཡ་མཚན་ཅན་དུ་ཀུན་ཏུ་གྲགས།། སྤྱན་དྲངས་གནས་སུ་དོན་ཞུས་ཏེ།། བདུད་བཏུལ་ཚར་བཅད་དམ་ལ་བཏགས།། དེ་ནས་ཤཱཀྱ་ཐུབ་སྦྲུལ་དེ།། བཀྲ་ཤིས
266b4 བདེ་ལྡན་གནས་དག་ཏུ།། ད་ལྟ་དུས་ཀྱི་དེང་སང་ན།། གསང་བདག་སྤྲུལ་པ་དད་ཉན་ལ།། སྡེབ་སྦྱོར་ལེགས་པའི་ཚིག་ཏུ་གསུངས།། ད་ཡང་རྡོ་རྗེ་སེམས་དཔའ་ཉོན།། ཤེས་རབ་བློ་ཡི་ཁྱད་པར་ལས།། སྐུ་གསུམ
266b5 ཆོས་རྣམས་ཅི་གསུངས་པའི།། བཤད་ལུགས་རྣམ་པ་དེ་དག་ཀུན།། གདུལ་བྱའི་འཁོར་ལ་ཐ་དད་ཀྱང་།། དུས་གསུམ་གཅིག་ཕྱིར་ཁྱད་མེད་པས།། དོན་ལ་དབྱེར་མེད་ངོ་བོ་གཅིག། རྫོགས་པ་ཆེན་པོ་ངེས་དོན་འདུས
266b6 པའི་རྒྱུད་རིན་པོ་ཆེ་རྣམ་པར་བཀོད་པ་ལས། ངེས་དོན་འབྱུང་བའི་རྒྱུད་གླིང་གཞི་བསྟན་པའི་ལེའུ་སྟེ་དང་པོའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པ་ཆོས་རྗེ་ཡིས།། ཆོས་ཉིད་གནས
iiif viewer powered by OpenSeadragon
