| e-texts navigator |
| Wylie |
266a1 བའི་འཁོར་རྣམས་ནི།། དད་ཉན་ལྷ་མི་ལས་ཅན་ཀུན།། མོས་ཤིང་དད་པས་འདུས་པ་ཡིས།། ལས་དང་ཐུགས་རྗེ་འཇོམས་ནས་འཁོད།། དེ་ཚེ་རྡོ་རྗེ་སེམས་དཔའ་ཡིས།། འདུས་པའི་འཁོར་ལ་ཕན
266a2 གདག་ཕྱིར།། གུས་པའི་ཚུལ་གྱིས་ཐལ་སྦྱར་ཏེ།། བདེན་པའི་ཡིད་ཀྱིས་འདི་སྐད་གསོལ།། རྩ་བ་གཅིག་པའི་ཆོས་ཉིད་ལ།། སངས་རྒྱས་ཆོས་རྣམས་ཇི་ལྟར་གསུངས།། ཆོས་ཉིད་གནས་ལུགས་ཇི་ལྟར་ཡིན།། སྣོད
266a3 ཀྱི་རིམ་པ་གང་ལ་བསྟན།། ཆོས་རྣམས་གཏན་ལ་ཇི་ལྟར་དབབ།། མཉམ་པའི་རྒྱལ་པོས་བཤད་དུ་གསོལ།། དེ་སྐད་ཞུས་པའི་དོན་གསན་ནས། ཀུན་རིག་སྟོན་པས་བཀའ་སྩལ་པ།། ལེགས་སོ་འདུས་པའི་འཁོར
266a4 རྣམས་ཀུན།། དད་ལྡན་བུ་ལ་ངས་བསྟན་གྱིས།། ལེགས་པར་ཉོན་ལ་ཡིད་ལ་ཟུང་།། དུས་གསུམ་སངས་རྒྱས་ཐམས་ཅད་ཀྱང་།། རྩ་བ་རང་སེམས་རྟོགས་པའི་ཕྱིར།། གཟི་ལྡན་ནོར་བུ་རིན་ཆེན་བཞིན།། ཆོས
266a5 སྐུའི་སྟོན་པ་ཀུན་བཟང་ངས།། ཐམས་ཅད་ཡེ་ཤེས་ཆེན་པོར་མཁྱེན།། དེ་དོན་རང་རིག་ཆོས་ཀྱི་སྐུ།། ཚིག་དང་ཡི་གེ་བརྗོད་ལས་འདས།། རང་བྱུང་ཡེ་ཤེས་ཐུགས་ལ་གསལ།། དྲང་སྲོང་མངོན་ཤེས་དཔེ་བཞིན
266a6 དུ།། རང་བྱུང་ངོ་བོ་ཉིད་ཀྱི་སྐུ།། དུས་གསུམ་བདེ་གཤེགས་འཁོར་རྣམས་ལ།། ཡིད་ལ་བསྟན་པའི་དོན་ཉིད་ཤར།། ངེས་དོན་རྟོགས་ཕྱིར་ཡང་སངས་རྒྱས།། རང་རིག་ཆོས་སྐུའི་བྱིན་བརླབས་ཤར།། དེ་ཚེ་ངེས་པའི
iiif viewer powered by OpenSeadragon
