| e-texts navigator |
| Wylie |
265b1 སངས་རྒྱས་རྣམས་ཀྱང་བཞུགས།། རིག་འཛིན་སེམས་དཔའ་ཆེན་པོ་དང་།། བློ་གྲོས་སྩོལ་དང་རྣམ་དག་དང་།། དམ་པའི་ཡོན་ཏན་འོད་རླབས་ཅན།། ཤེས་རབ་བླ་མ་རྒྱལ་མཚན་དང་།། རྣམ་པར་གྲོལ་བའི་ཏིང
265b2 འཛིན་དབང་།། ཆོས་དབང་དང་ནི་སྤོབས་པ་བརྩེགས།། བདུད་འཇོམས་དང་ནི་སེང་གེའི་སྒྲ།། རིན་ཆེན་མཐོང་དང་བརྩེ་བ་ཅན།། དབང་ཕྱུག་གཙོ་དང་ཡིད་དགེ་དང་།། མཐོང་ན་དགའ་དང་བདེན་མོས
265b3 དང་།། གསུང་བརྩེགས་ལ་སོགས་འཁོར་རྣམས་ཀུན།། རང་རང་གཙོ་ལ་བསྐོར་ནས་ནི།། རྒྱལ་སྲས་སྤྲུལ་པའི་འཁོར་རྣམས་ཀྱང་།། ཚངས་པ་བརྒྱ་བྱིན་རྒྱལ་ཆེན་བཞི།། ཐག་བཟང་རིས་དང་གང་བ་བཟང་།། ཆོས
265b4 ཀྱི་རྒྱལ་པོ་རྟ་མགོ་ཅན།། ཟུར་ཕུད་ལྔ་པ་ནོར་སྲུང་དང་།། མགྲིན་བཅུ་དང་ནི་ཀླུ་རྒྱལ་དང་།། དེ་འཁོར་ལ་སོགས་ཀུན་ཀྱང་གནས།། མཁའ་འགྲོ་སྡེ་ལྔ་སྲིན་མོའི་ཚོགས།། ཡེ་ཤེས་མཁའ་འགྲོ་རིག་པ་འཛིན།། རྡོ་རྗེ
265b5 མཁའ་འགྲོ་རིགས་ཀྱི་ཡུམ།། རིན་ཆེན་མཁའ་འགྲོ་འདོད་དགུར་སྦྱར།། པདྨ་མཁའ་འགྲོ་བདེ་ཆེན་རྒྱས།། ལས་ཀྱི་མཁའ་འགྲོ་ལུས་སྒྲིབ་སྦྱོང་།། འཇིག་རྟེན་མཁའ་འགྲོ་དམ་བཏགས་པའོ།། འཁོར་གྱི་གཏོར་ཟན་པོ
265b6 མོ་ཀུན།། སྙིང་རྗེ་མེད་པར་གསོད་ལ་དགའ།། རྐྱེན་མཐོང་ཙམ་ན་ཆད་པས་གཅོད།། ཀུན་ཀྱང་སྲིན་པོའི་ཆ་བྱད་ཅན།། རྔམས་པའི་ང་རོ་འཇིགས་ཚུལ་གྱིས།། བསྟན་པ་བསྲུང་ཕྱིར་དུས་དེར་འདུས།། སྦྲུལ་སྐུར་སྣང
iiif viewer powered by OpenSeadragon
