| e-texts navigator |
| Wylie |
265a1 པོ་དང་། ཟག་བཟངས་རིས་དང་། སྡེ་བརྒྱད་དང་། ཕྱོགས་སྐྱོང་བཅུ་དང་། རྡོ་རྗེ་དྲག་མོ་ལ་སོགས་ཏེ།། མཁའ་འགྲོ་མ་རྣམས་ཀྱིས་ལག་ན་རྡོ་རྗེར་ཡི་རང་སྟེ་མངོན་པར་སྟོད་ནས། ཐུགས་རྩེ་གཅིག
265a2 པས་བཛྲ་པཱ་ཎིས་བསྡུས་ཏེ། སྦྲུལ་སྐུ་པདྨ་བྱུང་གནས་ལ་གཏད་དོ།། རྡོ་རྗེ་སེམས་དཔའ་ཡི་གེ་བརྒྱ་པའི་ཐུགས་ཕྲིན་ལས་ཐམས་ཅད་དམ་ཚིག་གི་རྒྱུད་ཅེས་བྱ་བ་རྫོགས་སོ།། སྦྲུལ་སྐུ་པདྨ་འབྱུང་གནས་དང་། དགེ
265a3 སློང་ནམ་མཁའི་སྙིང་པོས་བསྒྱུར་པའོ།། །། @#།། རྒྱ་གར་སྐད་དུ།། མ་ཧཱ་སནྟི་ནི་ཡ་མརྠ་ས་མཱ་ཧ་ཏནྟ་དྲྀཥྚི་སརྦ་གརྦྷ་རཏྣ་བྷཱ་ཧ་ན་མ། བོད་སྐད་དུ། རྫོགས་པ་ཆེན་པོ་ངེས་དོན་འདུས་པའི་རྒྱུད།
265a4 ལྟ་བ་ཐམས་ཅད་ཀྱི་སྙིང་པོ་རིན་པོ་ཆེ་རྣམ་པར་བཀོད་པ་ཞེས་བྱ་བ། བཅོམ་ལྡན་འདས་མཉམ་པ་ཉིད་ཀྱི་རྒྱལ་པོ་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་གསུངས་པའི་དུས་གཅིག་ན། ཀུན་རིག
265a5 སེམས་ཀྱི་རྒྱལ་པོ་དེས།། འོག་མིན་ཆོས་ཀྱི་དབྱིངས་གནས་ན།། ངེས་པའི་དོན་ལ་རབ་བཞུགས་ཏེ།། རྡོ་རྗེ་སེམས་དཔའ་ལ་སོགས་པའི།། འཁོར་རྣམས་འདུས་ནས་རབ་ཏུ་འཁོར།། དེ་ཚེ་འདུས་པ་རྣམ་བཞི
265a6 ཡང་།། རྡོ་རྗེ་གསང་བ་རིན་ཆེན་སྙིང་།། དྲི་མེད་གྲགས་པ་ལས་རབ་གྲུབ།། རྒྱལ་བའི་དབང་པོ་བསོད་ནམས་སྙིང་།། ཞི་བའི་བདེན་དང་ཉི་མའི་འོད།། ནམ་མཁའི་སྙིང་པོ་འབུམ་གཟིགས་དང་།། ཕྱོགས་བཅུའི
iiif viewer powered by OpenSeadragon
