| e-texts navigator |
| Wylie |
264b1 དྲག་ལས་རྫོགས་པས།། ཕྲིན་ལས་འདུས་པའི་རྒྱུད་དུ་ཟུང་།། དབང་དང་དམ་ཚིག་དཀྱིལ་འཁོར་དང་།། ལྷ་བསྒོམ་སྔགས་དང་ཀུན་འབྲེལ་བས།། འབྲེལ་པ་ཆེན་པོའི་རྒྱུད་དུ་ཟུང་།། རྩ་བ་གསུམ་དང་ཡན་ལག
264b2 དང་།། སྡིག་སྒྲིབ་ཐམས་ཅད་འདིས་བཤགས་པས།། བཤགས་པ་ཆེན་པོའི་རྒྱུད་དུ་ཟུང་།། ངན་སོང་ཐམས་ཅད་དོང་སྤྲུགས་པས།། དོང་སྦུགས་ཆེན་པོའི་རྒྱུད་དུ་ཟུང་།། རྡོ་རྗེ་སེམས་དཔའི་ཐུགས་བསྟན་པས།། བཛྲ
264b3 བརྒྱ་པའི་རྒྱུད་དུ་ཟུང་།། ཡང་བཀའ་སྩལ་པ།། ལེགས་པར་ཟུང་ཞིག་ཐུབ་པར་ཆོངས།། ཉམ་པར་གྱུར་ན་ན་རཀ་གནས།། རྒྱུ་གནས་རྣམ་པར་སྨིན་པ་ནི།། རིགས་བཞི་བྱོལ་སོང་ལྐུགས་པའི་གནས།། མི་བཟད
264b4 བདུད་མོའི་གྲོགས་ཀྱིས་མཚོན།། དབང་པོ་མ་ཚང་དབུལ་རྨོངས་ཞན།། མ་ཉམས་རྡོ་རྗེའི་སྐུ་གསུང་ཐུགས།། འགྲོ་ལ་ཕན་འདོགས་སྐུར་གནས་ས།། ལོངས་སྤྱོད་འཁོར་ལྡན་ལྷ་མིའི་ས།། དམན་ལུས་འཛིན
264b5 འཆང་ནོར་བུ་འཆང་།། བྲག་དང་ཆུ་གཞུང་ཆུ་བོ་ཡིས།། དུས་ངན་མགོ་མཐོང་རྒྱས་པར་གྱིས།། ཞེས་གསུངས་སོ།། རྡོ་རྗེ་བརྒྱ་པའི་རྒྱུད་ལས་དཔེ་མཚོན་བཏགས་པའི་ལེའུ་སྟེ་ཉེར་བདུན་པའོ།། །། དེ་ནས་སྟོན
264b6 པ་ཉིད་མྱ་ངན་ལས་འདས་སོ།། འཁོར་དུ་འདུས་པའི་སྒྱུ་འཕྲུལ་ཞི་ཁྲོའི་ལྷ་ཚོགས་རྣམས་དང་། ཡང་ཕུར། བདུད་རྩི། མ་གཤིན། དབང་དང་དཀྱིལ་འཁོར་གྱི་ལྷ་རྣམས་དང་། ཚངས་པ་དང་། བརྒྱ་བྱིན་དང་། འཇོག
iiif viewer powered by OpenSeadragon
