| e-texts navigator |
| Wylie |
262a1 བྱས་མི་རྟག་པ།། དབྱེ་བ་དབུགས་ཅན་དབུགས་མེད་སྲོག། དཔེ་ནི་ར་ཤིང་འདུས་པས་བསྟན།། གང་སྣང་བ་ཡི་ཡུལ་དེ་ལ།། མིང་བཏགས་འབོད་པས་སྙིང་པོ་ཡིན།། ཅི་ཕྱིར་དེ་ལ་ཉེས་འཛུགས
262a2 ཕྱིར།། དེས་ན་བཏགས་པ་མེད་ན་གང་ལ་གཟུང་།། སྣང་བ་དེ་ལ་མིང་གིས་འབོད།། དེས་ན་སྲོག་རང་སྙིང་པོ་ཡིན།། སྲོག་ནི་གཟུགས་ཏེ་སྙིང་པོ་མིང་།། གཟུགས་ནས་བཟུང་ལ་སྙིང་པོར་ཕོད།། སྲོག་ཀྱང་མེད་ལ
262a3 སྙིང་པོ་མེད།། དཔེར་ན་འབྱུང་བ་ཆུ་ལྟ་བུ།། གཅིག་ལ་ཀུན་ཏུ་སྣང་བས་མཚོན།། དེས་ན་དེ་ལྟར་བདེན་པ་མེད།། དེས་ན་དེ་ལ་མེད་པ་གང་།། དཔེར་ན་ཆོས་ཅན་བུམ་པ་ལ།། ཡིན་མིན་གཉིས་ཀའི་ཆོས་ཅན
262a4 མེད།། འོ་ན་ཆོས་ཅན་གཅིག་པོ་དེ།། གཟུགས་ཀྱིས་ཡིན་ནམ་མིང་གིས་ཡིན།། མདོག་གིས་ཡིན་ནམ་བསམ་པས་ཡིན།། འདུས་པས་ཡིན་ནམ་འབྲལ་བས་ཡིན།། མཚོན་པས་ཡིན་ནམ་ལས་ཀྱིས་ཡིན།། རྡོ་རྗེ
262a5 འཛིན་པ་སྤོབས་པ་སྐྱེད།། ལག་ན་རྡོ་རྗེ་ལན་གསོལ་པ།། ཀུན་གྱིས་ཡིན་ཏེ་ཀུན་གྱིས་མིན།། ཡིན་པ་མིན་པས་མིན་པ་མེད།། མ་སྤངས་མ་བླངས་མཉམ་པ་མེད།། རང་ཡིན་རེ་དོགས་མེད་པར་ཁུམས།། ལེགས་སོ
262a6 ལེགས་སོ་རྡོ་རྗེ་འཛིན།། གསང་སྔགས་བླ་མེད་དེ་བཞིན་ཉིད།། ཁོ་ན་ཉིད་ནི་དེ་ལྟར་རོ།། ཡེ་ནས་ཡིན་ཤེས་ཡི་ཤེས་ཡིན།། ཞེས་གསུངས་སོ།། རྡོ་རྗེ་བརྒྱ་པའི་རྒྱུད་ལས་ཆོས་ཅན་རོ་མཉམ་ལ་བཟླ་དེ་ཁོ་ན་ཉིད་ཀྱི
iiif viewer powered by OpenSeadragon
