| e-texts navigator |
| Wylie |
261b1 བའི་ཡུལ་མི་སྲིད།། མེད་དང་གཅིག་པུ་ཕྱལ་བ་ཡིན།། ཡུལ་མེད་མིང་དང་བྲལ་བའི་ཕྱིར།། དེ་ལ་བྱ་རྩོལ་ཅི་ལ་སྲིད།། རང་བྱུང་ཡུལ་སྣང་མེད་པའི་ཕྱིར།། ཡུལ་མེད་སྲོག་གཅོད་དགེ་སྡིག་མེད།། མིང་མེད་བདེན
261b2 རྫུན་སྒྲོ་འདོགས་ཆོད།། ཅེས་གསུངས་སོ།། ཡང་བཀའ་སྩལ་པ། དེ་ནི་གསང་སྔགས་ཞེས་བྱ་གཞི་ཞེས་བྱ། མཉམ་པ་ཉིད་ཅེས་བྱ། ཆོས་ཀྱི་སྐུ་ཞེས་བྱ། རྟོགས་པའི་ལྟ་བ་ཞེས་བྱ། ཆོས་ཉིད་ཅེས་བྱ། ཆོས་རྣམས་ཀྱི
261b3 དེ་བཞིན་ཉིད་ཅེས་བྱ། དགོངས་པ་ཞེས་བྱ། སྤྱིས་ཆོས་ཀྱི་དབྱིངས་ཞེས་བྱ། གསང་སྔགས་ཀྱི་དེ་ཁོ་ན་ཉིད་ཅེས་བྱའོ།། ཡེ་ཤེས་ཡེ་ཤེས་ཡིན་ནོ།། ཅིའི་ཕྱིར་རང་བྱུང་དུ་ཤེས་པ་དང་། རང་རིག་པས་ཀྱང་ཤེས
261b4 སོ།། ལྷག་པར་དེ་ཁོ་ན་ཉིད་རྟོགས་པས་ཡེ་ཤེས་ཞེས་བྱའོ།། གསང་སྔགས་རང་གི་དགོངས་པ་ནི། ཡུལ་མེད་མིང་དང་བྲལ་བ་ཡིན།། རང་བྱུང་ཡེ་ཤེས་དགོངས་ཚད་ཡིན།། རང་རིག་ཡེ་ཤེས་དགོངས་ཚད
261b5 ཡིན།། ལྷག་མཐོང་ཡེ་ཤེས་དགོངས་ཚད་ཡིན།། ཞེས་གསུངས་སོ།། རྡོ་རྗེ་བརྒྱ་པའི་རྒྱུད་ལས་ལ་བཟླ་དེ་ཁོ་ན་ཉིད་ཀྱི་ལེའུ་སྟེ་ཉེར་གསུམ་པའོ།། །། ཡང་བཀའ་སྩལ་པ། ཉོན་ཅིག་རྡོ་རྗེ་རིགས་ཀྱི
261b6 འཁོར།། སྲོག་དང་སྙིང་པོ་གསང་སྔགས་བསྟན།། གང་སྣང་བ་ཡི་ཆོས་ཀུན་ལ།། མཚན་མར་སྣང་བས་སྲོག་ཅེས་བྱ།། ཅིའི་ཕྱིར་འཛིན་པས་བཟུང་བའི་ཕྱིར།། སྲོག་གི་ངོ་བོར་འཛིན་པ་ཡིན།། ངེས་ཚིག་འདུས
iiif viewer powered by OpenSeadragon
