| e-texts navigator |
| Wylie |
261a1 རྗེ་ཅིའི་ཕྱིར་ཅི་ཡང་མ་ཡིན་ཞེ་ན། ཉོན་ཅིག་ཆོས་གང་ལ་ཡང་འདི་ཡིན་འདི་མིན་མེད་པའི་ཕྱིར་ཏེ། ཆོས་གཅིག་གཏན་ལ་ཕོབ་དང་། ཡིན་པར་ཡང་མེད་ལ། མིན་པ་ཡང་མེད་པའོ།། དེ་ཡང་སྤང་བ
261a2 ཡང་མེད། བླང་པ་ཡང་མེད། རེ་བ་ཡང་མེད། དོག་པ་ཡང་མེད་དེ་མེད་པའོ།། ཞེས་གསུངས་པས། འཁོར་རྣམས་ངུས་ཏེ་འགྲེ་ལྡོག་གི་ན། ཀྱི་ཧུད་ཀྱི་ཧུད་བདག་ཅག་གིས་བསྐལ་པ་ནས་བསྐལ་པར་དེ་མ་མཐོང་བས
261a3 སྟོན་པ་ཉིད་ཐུགས་རྗེ་དང་བྲལ་བའོ།། ཞེས་ཞུས་པས། རྡོ་རྗེ་འཆང་གིས་བཀའ་སྩལ་པ།། རྡོ་རྗེའི་རིགས་ཀྱིས་ལེགས་པར་ཉོན་ཅིག། ང་ནི་ཡིན་མིན་མེད་པའི་ཕྱིར།། སྤང་བླང་རེ་དོགས་མེད་པར་བཤད་དོ།། ཁྱེད
261a4 རྣམས་ཀྱིས་རང་གིས་རང་མ་ཤེས་སོ།། ངས་ཀྱང་བསྐལ་པ་ནས་བསྐལ་པར་མ་ཤེས་སོ།། དེ་ལྟར་དུ་རིག་པས་ང་ཡང་མྱ་ངན་ལས་འདས་པ་ཡིན་ནོ།། རྡོ་རྗེ་འཛིན་སོགས་ལེགས་ཟུངས་ཤིག། ང་ཡི་ལྟ་བ་ཡིན་པ
261a5 མེད།། ཕྱོགས་ལྷུང་རྒྱ་ཆད་མེད་པའི་ཕྱིར།། ཕྱོགས་ལྟ་འདོར་བ་ལྟ་བའི་སྲོག། ཕྱོགས་དང་ཕྲོལ་ཅིག་མེད་པ་ཡིན།། བག་ཆགས་རོ་ལ་ཅི་ཡིན་ལྟོས།། ལྟ་བ་མེད་དོ་མེད་པ་ཡིན།། ཁྱེད་རྟོགས་ལྟ་བ་དེ་ལྟར་ཡིན།། དེ
261a6 རྟོགས་སྒོམ་པ་མིན་པ་མེད།། གང་སྣང་གྲོགས་སུ་རོ་མཉམ་ཕྱིར།། དེ་ཤར་སྤྱོད་པ་ཡིན་མིན་མེད།། སྤང་བྱ་བླང་བྱ་ཡུལ་མེད་ཕྱིར།། དེ་མཐོང་བ་ལ་རེ་དོགས་མེད།། གཞན་ལ་ལྟོས་པའི་ཆོས་མེད་ཕྱིར།། དེ་ལ་ལྟ།
iiif viewer powered by OpenSeadragon
