| e-texts navigator |
| Wylie |
25b1 པས་བཀའ་སྩལ་པ། རྡོ་རྗེ་འཛིན་པ་ཉོན་ཅིག། ས་ཡི་མཚན་ཉིད་སྲ་བ་ཡིན།། ཆུ་ཡི་མཚན་ཉིད་གཤེར་བ་ཡིན།། མེ་ཡི་མཚན་ཉིད་ཚ་བ་ཡིན།། རླུང་གི་མཚན་ཉིད་ཡང་ཞིང་གཡོ།། ནམ་མཁའི་མཚན་ཉིད་ཡངས
25b2 ཤིང་གོ་འབྱེད་པའོ།། རང་རང་ལས་ཀྱང་དེ་བཞིན་དབྱེ།། དངས་མའི་ས་ལས་འོད་ཟེར་དཀར་པོ་བྱུང་།། དེ་ལས་སྙིགས་མ་ས་རུ་སྣང་།། དེ་བཞིན་དངས་མའི་འབྱུང་བ་ལས།། འོད་ཟེར་རྣམ་པ་བཞི་རུ་བྱུང་།། དེ་ལ
25b3 སྙིགས་མ་བཞི་རུ་སྣང་།། དངས་མའི་སྙིགས་མའི་མཚན་ཉིད་ནི།། སྲ་བ་མེད་པར་བརྟན་པ་དང་།། གཤེར་བ་མེད་པར་སྡུད་པ་དང་།། གཡོ་བ་མེད་པར་བསྐྱོད་པ་དང་།། ཚ་བ་མེད་པར་བསྲེག་པའོ།། ཁྱབ་པ་མེད
25b4 པའི་གདངས་ཅན་ཡིན།། ཆོས་ཉིད་ཆོས་སྐུ་འགྱུར་བ་མེད།། དབྱེར་མེད་སྲ་བ་མེད་པར་བརྟན་པའི་ས།། ཆོས་ཉིད་ཆོས་སྐུ་གཉིས་མེད་དེ།། དག་པ་ཟང་ཐལ་དྲི་མ་མེད།། ཐམས་ཅད་དེ་ཡི་ངང་དུ་འདུས།། གཤེར་པ
25b5 མེད་པར་སྡུད་པའི་ཆུ།། ཆོས་ཉིད་ཆོས་སྐུ་དབྱེར་མེད་དེ།། གཡོ་བ་མེད་པར་ཐོགས་པ་མེད།། གཡོ་བ་མེད་པར་བསྐྱོད་པའི་རླུང་།། མ་སོང་གནས་སུ་ཕྱིན་པའོ།། ཆོས་ཉིད་ཆོས་སྐུ་གཉིས་མེད་པས།། ཡེ་ཤེས་ཆེན་པོ
25b6 རང་གི་གདངས་ལ་བཞུགས།། གཞན་དུ་སྣང་བའི་རྣམ་པར་རྟོག་པ་མི་མངའ་བས།། ཚ་བ་མེད་པར་བསྲེག་པ་མེད།། གཞན་སྣང་མེད་པར་རང་གསལ་བ།། ཁྱད་པར་ཡེ་ཤེས་གདངས་དང་བཅས།། ནམ་མཁའ་ཁྱབ
iiif viewer powered by OpenSeadragon
