| e-texts navigator |
| Wylie |
25a1 གསོལ། ཞེས་ཞུས་སོ།། སྟོན་པས་བཀའ་སྩལ་པ།། འབྱུང་བ་ལྔ་ཡི་ངོ་བོ་ངེས་ཚིག་དང་།། དབྱེ་བ་དཔེ་དང་བཅས་པ་རྣམས།། ངས་བཤད་ཁྱོད་ཀྱིས་ཡིད་ལ་ཟུང་།། ངོ་བོ་དབྱེ་བའི་སྒོ་ནས་བསྟན།།
25a2 འབྱུང་བའི་དངས་མ་ལྔ་དང་སྙིགས་མ་ལྔ།། དངས་མ་ལྔ་ཡི་ངོ་བོ་ནི།། མཚན་ཉིད་འཛིན་པའི་ཡེ་ཤེས་ལྔ།། སྙིགས་མ་ལྔ་ཡི་ངོ་བོ་ནི།། ས་ཆུ་མེ་རླུང་ནམ་མཁའ་ལྔ།། འབྱུང་བ་ལྔ་ཡིས་ངེས་ཚིག་བསྟན་པ་ནི།། རིག
25a3 པའི་རྩལ་དུ་འཆར་བ་དང་།། རྩལ་ལས་འཁོར་འདས་སྣང་བའོ།། དབྱེ་ན་མུ་བཞིར་ཤེས་པར་བྱ།། དངས་མ་སྙིགས་མ་རྣམ་པ་གཉིས།། རེ་རེ་ལའང་དེ་བཞིན་ཏེ།། རིགས་ཀྱི་བུ་ཁྱོད་ལེགས་པར་ཟུང་ཞིག། འབྱུང
25a4 བའི་དངས་མ་འོད་ལྔའོ།། སྙིགས་མ་ས་ཆུ་མེ་རླུང་ངོ་།། དངས་མའི་སྙིགས་མ་ཤ་དང་རུས་ལ་སོགས།། སྙིགས་མའི་དངས་མ་འཇའ་ཚོན་རྣམ་པ་ལྔ།། དཔེ་ནི་ཉི་མའི་འོད་ཟེར་དང་།། མན་ཤེལ་དག་ལ་འོད་སྣང
25a5 བཞིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། འབྱུང་བ་ལྔ་མདོར་བསྡུས་ནས་བསྟན་པའི་ལེའུ་སྟེ་ཉེར་གཉིས་པའོ།། ། ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྫ
25a6 འཆང་།། སྙིགས་མ་དངས་མ་ལྔ་ལས་ཇི་ལྟར་ཤར།། དངས་མ་འབྱུང་བའི་མཚན་ཉིད་ཇི་ལྟར་ལགས།། ཆོས་ཉིད་དོན་ལ་སྦྱར་ན་ཇི་ལྟར་སྦྱར།། སྙིགས་མ་དངས་མར་གྲོལ་ན་ཇི་ལྟར་གྲོལ།། ཞེས་ཞུས་པས། སྟོན
iiif viewer powered by OpenSeadragon
