| e-texts navigator |
| Wylie |
259a1 རུས་ཐལ་པ་ལངྒི་ཀུན།། མཆོད་རྟེན་གྲུ་གསུམ་ནག་པོ་ཡི།། འོག་ཏུ་གྲུ་གསུམ་དོང་ནང་མནན།། མཆོད་རྟེན་རབ་གནས་བྱས་པ་ནི།། བདག་ཉིད་སྒྲུབ་པའི་དཀྱིལ་འཁོར་གྱིས།། ཕྱོགས་བཞིར་དཀྱིལ
259a2 འཁོར་དེ་ལྟར་བཞུགས།། ཞེས་གསུངས་སོ།། རྡོ་རྗེ་བརྒྱ་པའི་རྒྱུད་ལས་ཕྲིན་ལས་མཆོད་རྟེན་བཞིའི་ལེའུ་སྟེ་ཉེར་གཅིག་པའོ།། །། དེ་ནས་ཡང་སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར
259a3 ཟུང་།། མཆོད་རྟེན་ཆེན་པོའི་བཞེངས་ལུགས་ལ།། བསྒྲུབ་གནས་མཐོང་བའི་ས་བླངས་ལ།། འཇིམ་པ་བཟང་པོ་དག་དང་སྦྱར།། གསེར་དངུལ་ཟངས་ལྕགས་སྨན་རྣམས་བླུག། དཀར་གསུམ་པ་ཡི་ཆུ་ཡིས་སྒྲ།། དང
259a4 པོ་བུམ་པའི་འཇིམ་པ་བྱ།། ཤར་ལྷོ་ནུབ་བྱང་ས་བཞི་བླང་།། ཁ་དོག་བཞི་བཞིའི་ས་དང་སྤོལ།། འཇིམ་པ་བཟང་པོ་དག་དང་སྦྱར།། ཕྱོགས་བཞི་མགུར་ཆུ་བང་རིམ་ས།། བ་ཆུ་སྤོས་ཆུས་སྦྱར་བར་བྱ།། མི་བསད་ཡུལ
259a5 བཀྱེཀྱིས་ཕུང་ཤུལ་ས།། ནག་པོ་རེ་བའི་ནང་བླངས་ལ།། ཁྲག་སྣ་དུག་སྣ་པོད་ཆུས་སྒྲ།། རྨང་དང་འབྲུབ་ཁུང་རྒྱུ་ཡིན་ནོ།། མཆོད་རྟེན་བང་རིམ་བཞི་པ་བཞེངས།། བུམ་པ་མགུར་ཆུ་བྲེ་ཕུལ་ལྡན།། འཁོར་ལོ་གདུགས
259a6 དང་བྱ་རུ་ཏོག། དར་ཕྱང་དྲིལ་བུ་མེ་ལོང་ཀུན།། ཤོག་ཤོག་དག་ལ་བྱ་བ་ཡིན།། མཆོད་རྟེན་ན་བཟའ་འདི་ལྟར་གསོལ།། རིན་ཆེན་པྲེ་ཕུལ་མཐིང་གར་གསོལ།། བུམ་པ་མགུར་ཆུ་དཀར་པོར་བྱ།། ཤར་ཕྱོགས་བ
iiif viewer powered by OpenSeadragon
