| e-texts navigator |
| Wylie |
258b1 ཟླ་གམ་བཞེངས།། སྨན་རག་ཤ་ཆེན་གཏོར་མ་བཤམས།། བརྒྱ་པར་བ་ཤང་ཀུ་རུ་གདགས།། ཧྲཱིཿདང་ཡི་གེ་ཤིན་ཏུ་གཅེས།། དགྲ་བགེགས་ངན་སྔགས་དབང་དུ་སྡུད།། ཉ་ནས་ཉི་ཤུ་གཉིས་བསྒྲུབས་ཏེ།། མཎྜལ་ཟླ
258b2 གམ་བུམ་པ་དམར།། སྲོག་དང་སྲོག་གི་སྙིང་པོས་བསྒྲུབ།། མཆོད་རྟེན་ནུབ་ཕྱོགས་བཞུགས་སུ་གསོལ།། དམིགས་པ་གང་ཡིན་དབང་དུ་འགྱུར།། ཚར་བཅད་རྩད་ནས་བཅད་པའི་ཕྱིར།། དྲག་པོའི་མཆོད་རྟེན་གྲུ
258b3 གསུམ་བཞེངས།། ཤ་ཁྲག་དུག་དང་གཏོར་མ་བཤམས།། མཚོན་ཆ་སྣ་ཚོགས་ལག་ཏུ་བླངས།། བསྐོར་བ་ཕྱི་ལོག་ནང་ལོག་བྱ།། ལིངྒ་ནག་མོའི་ཟག་པའི་གདགས།། དམིགས་རྟེན་འབྲུབ་ཁུང་རྩང་གི
258b4 བསྐོར།། གྲུ་གསུམ་ནག་པོའི་ནང་དུ་བསད།། མིང་རུས་དམིགས་པའི་རྟེན་ཡང་བླངས།། གཤེར་ཐུན་སྐམ་ཐུན་མཚོན་གྱིས་བྲབ།། བྲབ་བརྡེག་དམིགས་པ་གསལ་བར་བྱ།། གུ་གུལ་རྒྱ་ཚིལ་ཚིལ་ཆེན་བདུག། དུག
258b5 དང་དུག་ཆུས་བྲན་དང་བྱུགས།། གདུག་པའི་དུག་ཤིང་ཚེར་མ་ཅན།། ཧོམ་ཆེན་བཅས་ལ་བསྲེགས་པ་ཡིན།། ཐོད་པ་ངན་པའི་ནང་དུ་མནན།། བྱང་ཕྱོགས་མཆོད་རྟེན་བཞུགས་སུ་གསོལ།། དམིགས་པས་བརླག
258b6 སྟེ་ཐེ་ཚོམ་མེད།། རྣལ་བཟློག་དཀྲུགས་དང་ཡིག་འབྲུ་བཟློག། དེ་ཤམ་ཆེ་གེ་མོ་མཱ་ར་ཡ་རྦད།། ནན་དང་རི་དང་རྦད་ལ་སོགས་པ་གདགས།། རྫས་དགུ་བྷྱོ་དང་ཡ་དང་ཕཊ།། དྲག་པོའི་ལས་ཀྱི་རྣོ་ངར་ཡིན།། མིང
iiif viewer powered by OpenSeadragon
