| e-texts navigator |
| Wylie |
257b1 ཨཱཿ། མཐར་ནི་ཟླ་གམ་ལམ་པ་ཡིན།། བུམ་པར་ཨཾཿལས་འཕྲོས་པ་ནི།། ཧྲཱིཿཔདྨ་སཏྭ་ས་མ་ཡཱ།། ཨ་ལ་ཐུག་པའི་ཕྲེང་བས་བསྐོར།། ཟླ་གམ་ཟླ་གམ་སྒོར་སྒོར་རོ།། ཤམ་བུར་ཧཱི་ལ་བ་ཤཾ་གདགས།། དབང་གི་ལྷ་དང
257b2 མཆོད་རྟེན་ཀུན།། འོད་ཟེར་དམར་པོ་འཕྲོ་བ་ཡིས།། དབང་དུ་འདུས་ཏེ་ཐེ་ཚོམ་མེད།། དྲག་པོའི་མཚོན་བྱེད་བསམ་པ་ཡང་།། ཨེ་བརྩེགས་དབུས་སུ་རྒྱ་གྲམ་ལ།། རྒྱ་གྲམ་ལྟེ་ལ་ཧཱ་གནས་ཏེ།། མཐའ་ནི་གྲུ་གསུམ
257b3 དྲག་པོར་འཁོར།། བུམ་པའི་ཧཱ་ལས་འཕྲོ་ལུགས་བཞི།། རྣལ་མར་བསྐོར་དང་གོ་རིམ་བཟློག། ཡིག་འབྲུ་བཟློག་དང་འདུག་ས་སྤོ།། གྲུ་གསུམ་ཨེ་རུ་བསྐོར་བ་ཡིན།། ཧཱ་དང་ཀརྨ་སཏྭ་ནཱི།། ཨ་ཞེས་དྲག་པོས་བཟླས
257b4 པ་ཡི།། ཤམ་བུར་མཱ་ར་ཡ་རྦད་རྒུད།། ནན་དང་རཾ་དང་བཟློག་ཕཊ་བྷྱོ།། དྲག་པོའི་སྔགས་ཀུན་གདགས་པར་བྱ།། བརླག་པར་འགྱུར་ཏེ་ཐེ་ཚོམ་མེད།། ཕྲིན་ལས་ལྷ་དང་མཆོད་རྟེན་ཀུན།། གྲུ་གསུམ་ནག་པོ་འཕྲོས་པ
257b5 ཡིས།། བརླག་པར་འགྱུར་ཏེ་ཐེ་ཚོམ་མེད།། ཅེས་གསུངས་སོ།། རྡོ་རྗེ་བརྒྱ་པའི་རྒྱུད་ལས་ཕྲིན་ལས་བཞིའི་བསམ་པ་དང་། མཚོན་པའི་བྲི་ལུགས་ཀྱི་ལེའུ་སྟེ་ཉི་ཤུ་པའོ།། །། དེ་ནས་ཡང་བཀའ་སྩལ་པ། ཉོན
257b6 ཅིག་རྡོ་རྗེ་འཛིན་པ་ཁྱོད།། བསྟན་པ་དུས་ངན་བྱུང་བའི་ཚེ།། མུ་སྟེགས་ནག་པོ་དགྲར་ལངས་སམ།། སྔགས་མཁན་ནང་རྒྱལ་བྱུང་བའམ།། སྲི་ཅན་དྲག་པོ་ལངས་པའམ།། ལྷ་འདྲེ་དྲག་པོ་དང་འགྲས་ན།། དོན
iiif viewer powered by OpenSeadragon
