| e-texts navigator |
| Wylie |
255a1 དྲུག་པའོ།། །། དེ་ནས་ཡང་བཀའ་སྩལ་པ།། ཉོན་ཅིག་རྡོ་རྗེ་རིགས་ཀྱི་འཁོར།། དེ་ནས་ཚེ་འདས་བདུན་ཚིགས་ནི།། ཕུང་པོ་ཤ་ཁྲག་དབུགས་དང་བྲལ་བའི་ཚེ།། ཞག་གསུམ་ཞག་ལྔ་ཞག་བདུན
255a2 དུ།། རོ་མི་བསྐུལ་བར་ཙེན་ནར་བཞག། ཤེས་པ་བརྒྱལ་ཏེ་མི་རྟོག་ཡོད།། ངུ་སྐད་སྤངས་ཏེ་ཆོས་རྣམས་བསྒྲགས།། གྲོགས་དང་སློབ་དཔོན་སློབ་མས་ཆད།། གྲོགས་སུ་གྱུར་པས་ལས་རྣམས་བྱ།། དང་པོར་གཤེད
255a3 དང་ཕྲལ་བྱ་བ།། ཁྲོ་བཅུ་བརྒྱ་པ་དྲག་པོས་དབྲལ།། ཐུབ་དྲུག་ཨ་ནརྀ་སུ་ཏྲི་པྲེ་དུ་ཡིས།། འགྲོ་དྲུག་གནས་ནས་དྲངས་པ་ཡིན།། བརྒྱ་པའི་ཞབས་སུ་ཡིག་འབྲུ་རེ།། དེ་ནས་ལམ་བསྟན་ཁྲོ་མོ་བཅུར།། ཕྱག་འཚལ་མཆོད
255a4 པའི་རིམ་པ་བྱ།། མཆོད་སྦྱིན་བཏང་ཞིང་སྐུ་གདུང་གདབ།། ཡན་ལག་བདུན་པའི་གོ་རིམ་བྱ།། མར་མེ་སྨོན་ལམ་དེ་བཞིན་བྱ།། ཞི་ཁྲོའི་ལྷ་ལ་ཕྱག་འཚལ་སྡིག་པ་བཤགས།། བརྒྱ་པ་བཏོན་ཏེ་མིང་ཡིག་གདག། དེ
255a5 ལྟར་ཚུལ་བཞིན་བྱས་བསྒྲུབས་ན།། བར་དོའི་གནས་ནི་ཨ་ཅང་ཆེས།། སྐྱེ་གནས་སྦུབས་ནས་ངེས་པར་འདྲོངས།། རབ་ནི་བདུན་ཚེ་དང་པོས་འདྲོངས།། འབྲིང་ནི་བདུན་གསུམ་ཉི་ཤུ་གཅིག། ཐ་མ་བཞི་བཅུ་ཞེ
255a6 དགུས་འདྲོངས།། དམ་ཚིག་རྩ་བ་གསུམ་དང་ཉི་ཤུ་ལྔ།། ཉམས་པར་གྱུར་ཀྱང་ངེས་པར་འདྲོངས།། མཚམས་མེད་ལྔ་དང་རྩ་བ་བཞི།། དེ་བཞིན་ངེས་པར་འབྱངས་པར་འགྱུར།། མི་དགེ་ཕལ་རྣམས་སྨོས་ཅི
iiif viewer powered by OpenSeadragon
