| e-texts navigator |
| Wylie |
253b1 གྱི།། ནང་དུ་ལས་མཛད་ཁྲོ་བོའི་དབྱིངས།། འོད་ཟེར་ནག་པོ་མེ་མཚོན་གྱིས།། དམིགས་པ་གང་ཡིན་སྒྲོལ་བར་བྱེད།། ཐམས་ཅད་སྒྲོལ་ཏེ་ཐེ་ཚོམ་མེད།། ལས་ནི་གང་བསྒྲུབ་ཐམས་ཅད་ལ།། སྲོག་སྙིང་བྲིས་ཤིང
253b2 ཁོང་པར་གཞུག། དེ་ལྟར་བཏབ་སྟེ་གང་ཡང་འགྲུབ།། ཅེས་གསུངས་སོ།། རྡོ་རྗེ་བརྒྱ་པའི་རྒྱུད་ལས་གསོན་ལྟར་གདབ་པའི་ལེའུ་སྟེ་བཅུ་བཞི་པའོ།། །། དེ་ནས་ཡང་བཀའ་སྩལ་པ།། ཉོན་ཅིག་འཁོར་ཚོགས་རྡོ
253b3 རྗེ་ཁྱོད།། ཚེ་འདས་དོན་དུ་གདབ་པ་ནི།། ཐར་ལམ་མཁྱེན་པ་ང་ཡིས་བསྟན།། རུས་པའི་ཕྱེ་མ་ཞིབ་པར་བསྲེ།། དོན་མཆོག་ཡི་གེ་བརྒྱ་པ་ལ།། ཨ་ནརྀ་སུ་ཏྲི་པྲེ་དུ་དྲུག་བཏགས་པའི།། ངན་སོང་སྦྱོང་བའི་སྙིང
253b4 པོའམ།། ཡང་ན་འདི་བཏགས་གདབ་པ་ཡིན།། ད་ཧ་ད་ཧ་སརྦ་ན་ར་ག་ཀ་ཏེ་ཧེ་དུན་ཧཱུཾ་ཕཊ། མ་ཐ་མ་སརྦ་ཏིརྱ་ཀ་ཏེ་ཧེ་དུན་ཧཱུཾ་ཕཊ། པ་ཙ་པ་ཙ་སརྦ་པྲེ་ཏ་ཀ་ག་ཏེ་ཧེ་དུན་ཧཱུཾ་ཕཊ། ཞེས་པས། ཚེ་འདས་ངན་སོང
253b5 གནས་ནས་དྲང་།། ཧཱུཾ་གིས་བརྐོས་ཕོར་ནང་བསྟིམས་ལ།། ཕཊ། ཀྱིས་རྒྱལ་བའི་དབྱིངས་སུ་འཕང་།། རྒྱུད་དྲུག་ས་བོན་འོད་བསྲེགས་ལ།། སྒྲིབ་སྦྱང་རྡོ་རྗེའི་དབྱིངས་སུ་བསྐྱལ།། ད་ནི་རབ་གནས་ཆོ་ག་ཡང་།། དམ
253b6 ཚིག་མཆོད་རྟེན་ཅི་བཏབ་གྲངས།། ཡེ་ཤེས་མཆོད་རྟེན་སྤྱན་དྲང་བསྟིམ།། བདེ་གཤེགས་སྙིང་པོས་སྙན་གསན་དབབ།། གཤེགས་སུ་གསོལ་ཞེས་སྤྱན་དྲངས་ལ།། ས་མཱ་ཛ་ཞེས་བརྗོད་པར་བྱོན།། ཏིང་ངེ་འཛིན་གྱིས
iiif viewer powered by OpenSeadragon
