| e-texts navigator |
| Wylie |
253a1 རྣམ་བཞིར་གདབ།། དང་པོ་ཞི་བར་གདབ་པ་སྟེ།། ཞི་བ་བུདྡྷ་རྡོ་རྗེ་དམིགས།། བརྐོས་ཕོར་བྷྲཱུཾ་གྱིས་བྱིན་བརླབས་ལ།། ཨོཾ་བུདྡྷ་སཏྭ་ས་མ་ཡ་ནས་ཨ་ཞེས་བརྒྱ་པའི་སྔགས་བརྗོད་ལ།། ཆེ་གེ་མོ་ཤནྟིཾ་ཀུ
253a2 རུ་གདབས།། མཆོད་རྟེན་དཀར་པོ་ཟླུམ་པོ་ཕྱི།། ནང་དུ་ཞི་མཛད་རྡོ་རྗེ་དབྱིངས།། འོད་ཟེར་དཀར་པོས་གང་རེག་པ།། ཞི་བར་འགྱུར་ཏེ་ཞི་བར་བྱེད།། རྒྱས་པ་རིན་ཆེན་རྡོ་རྗེར་དམིགས།། བརྐོས་ཕོར་བྷྲཱུཾ་གྱིས་གྲུ
253a3 བཞིར་བརླབས།། སྭཱ་རཏྣ་སཏྭ་ཞེས་པ་ནས།། ཨ་ལ་ཐུགས་པའི་རྒྱས་པ་ནས།། ཆེ་གེ་མོ་པུཥྚིཾ་ཀུ་རུ་གདགས།། མཆོད་རྟེན་གྲུ་བཞི་སེར་པོ་ཕྱི།། ནང་དུ་རྡོ་རྗེ་རྒྱས་མཛད་དབྱིངས།། འོད་ཟེར་སེར་པོས་ཀུན་ལ
253a4 ཁྱབ།། ཚེ་དང་བསོད་ནམས་དཔལ་རྣམས་རྒྱས།། དབང་ལ་པདྨ་རྡོ་རྗེར་དམིགས།། བརྐོས་ཕོར་ཟླ་གམ་བྱིན་བརླབས་ལ།། ཨཱཿཔདྨ་སཏྭ་ས་མ་ཡ་ནས། ཨ་ཞེས་ཡི་གེ་བརྒྱ་པ་བརྗོད།། ཧྲཱིཿཔ་ཤང་ཀུ་རུ
253a5 གདགས།། མཆོད་རྟེན་དམར་པོ་ཟླ་གམ་ཕྱི།། ནང་དུ་དབང་བསྐུར་པདྨ་དབྱིབས།། དམར་པོ་ལྕགས་ཀྱུའི་འོད་ཟེར་གྱིས།། དབང་དུ་བྱ་བ་གང་ཡིན་པ།། མོས་ཤིང་ཐམས་ཅད་དབང་དུ་སྡུད།། དྲག་པོ་དག་གི་ལས
253a6 བསྒྲུབ་ན།། ཀརྨ་རྡོ་རྗེར་དམིགས་བསམས་ལ།། བརྐོས་ཕོར་བྷྲཱུཾ་གྱིས་ཨེ་རུ་བརླབས།། ཧཱ་ཀརྨ་སཏྭ་ཞེས་པ་ནས།། ཨ་ཞེས་བརྒྱ་པ་རྫོགས་པར་བརྗོད།། ཆེ་གེ་མོ་མཱ་ར་ཡ་ཕཊ་གདགས།། ཧོམ་ཁུང་ནག་པོ་གྲུ་གསུམ
iiif viewer powered by OpenSeadragon
