| e-texts navigator |
| Wylie |
252b1 དོ།། དངོས་གཞི་ཞེས་པ་ལས་རིམ་སྟེ།། བྱིན་བརླབས་གདབ་དང་ཏིང་འཛིན་ནོ།། བྱིན་བརླབས་ལས་རིམ་འབྱུང་བ་ལྔ།། འཇུག་པའི་ལས་རིམ་བྱ་བ་ཡིན།། ཐིག་དང་ཕུར་པ་གདབ་པ་ཡིན།། ས་རྐོ་བ་དང་བརྡུང་བ
252b2 དང་།། སྤོས་ཆུས་བྱུག་དང་མནྟ་གཞུག། འབི་འབི་བྱ་དང་ན་བཟའ་སྣུམ།། བྱིན་རླབས་སྔོན་འགྲོའི་རིམ་པ་སྟེ།། རྣལ་འབྱོར་པ་ཡིས་ཤེས་པར་བྱ།། གདབ་པའི་ལས་རིམ་གཉིས་སུ་དབྱེ།། འབྱུང་བ་ལྔ་དང་འཇིམ་པ
252b3 དང་།། གང་སྣང་ལམ་དུ་འདེབས་པའོ།། འབྱུང་བ་ལྔ་ལས་ནམ་མཁའ་དག་ལ་གདབ་པ་ནི།། བདག་ཉིད་སེམས་དཔའི་སྐུ་གསལ་བས།། བརྐོས་ཕོར་བྱིན་གྱིས་བརླབས་བྱས་ལ།། གཞི་ཡི་ཡི་གེ་ཉིད་ལས
252b4 སྤྲོས།། ངག་ཏུ་བརྒྱ་པ་འདོན་གྱིན་གདབ།། སྐུ་གསུང་ཐུགས་ཀྱི་དཀྱིལ་འཁོར་དམིགས།། མེ་ཆུ་རླུང་ཡང་དེ་བཞིན་གདབ།། འཇིམ་པ་དག་ལ་གདབ་པ་ནི།། འབི་འབི་བརྐོས་ཕོར་ནང་བཅུག་ལ།། ཡིག་འབྲུ་བརྒྱ་པ
252b5 བརྗོད་གྱིན་དུ། བྷརྨ་ཀཱ་ཡ་ཨ་ཞེས་གདབ།། བཛྲ་སཏྭའི་ལྷ་ནི་བཞུགས།། དཀྱིལ་འཁོར་ཆེན་པོའི་མཆོད་རྟེན་ལ།། ལྷ་བརྒྱ་ལ་སོགས་ཀྱིས་བསྐོར་བར།། བསྐོར་བ་མཆོད་པ་བྱེད་པར་བསམ།། དེ་ཡང་འདི་ལྟར་ཤེས
252b6 པར་གྱིས།། གདབ་པ་ལ་ཡང་གཉིས་ཡིན་ཏེ།། གསོན་དང་གཤིན་དུ་ཤེས་པར་བྱ།། གསོན་པོ་ལ་ཡང་གཉིས་ཡིན་ཏེ།། བྱང་ཆུང་དོན་དང་རྐྱེན་བཟློག་གཉིས།། བྱང་ཆུབ་དོན་ནི་གོང་ལྟར་ཏེ།། རྐྱེན་བཟློག་ཕྲིན་ལས
iiif viewer powered by OpenSeadragon
