| e-texts navigator |
| Wylie |
251a1 ལ།། ན་རཀ་དོང་སྤྲུག་གདོན་པར་བྱ།། ཀུན་ཀྱང་དེ་རུ་འདུས་པ་ཡིན།། ལྷ་བརྒྱ་སྔགས་བརྒྱ་བཤགས་པ་ཚང་།། ཞེས་གསུངས་སོ།། རྡོ་རྗེ་བརྒྱ་པའི་རྒྱུད་ལས་ཕྲིན་ལས་བཞིའི་དགོས་པའི་དོན
251a2 དང་། ཐུགས་སྒྲུབ་དོན་གྱི་བསྡུ་བ་དང་ནང་གི་སྤང་སྐོང་ཀུན་ལ་གཅེས་པར་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་བཛྲ་པཱ་ཎིས་ཞུས་པ། ཀྱེ་ཀྱེ་སྟོན་པ་རྡོ་རྗེ་འཆང་།། ཐུགས་མཆོག་ཡི་གེ་བརྒྱ་པ
251a3 འདིས།། མཆོད་སྦྱིན་གཏོར་མ་གཏང་བ་དང་།། སྐུ་གདུང་ཚ་ཚ་གདབ་པ་དང་།། རོ་བསྲེག་བདུན་ཚིགས་བྱེད་པ་ཡང་།། རྨོངས་པས་མ་འཚལ་བཤད་དུ་གསོལ།། ཞེས་ཞུས་པས། ཡང་བཀའ་སྩལ་པ། ཉོན་ཅིག་རྡོ་རྗེ
251a4 རིགས་ཀྱི་འཁོར།། མཆོད་སྦྱིན་ལས་ལ་འཇུག་འདོད་ན།། དོན་མཆོག་ཡི་གེ་བརྒྱ་པ་ཡིས།། གཏོར་མའི་ལས་ཀུན་རྫོགས་པ་ལ།། སྦྱོར་བ་དངོས་གཞི་རྗེས་སུ་བསྡུ།། དང་པོ་སེམས་བསྐྱེད་རྣམ་པ་གཉིས།། སྨོན་པ
251a5 དང་ནི་འཇུག་པའོ།། བདག་དང་སེམས་ཅན་བྱང་ཆུབ་སྨོན།། ཕ་རོལ་ཕྱིན་དྲུག་འཇུག་པའོ།། སྦྱོར་བ་ཞེས་པ་ཚིག་ལ་སྦྱར།། ཏིང་འཛིན་རྣམ་གསུམ་ཁོག་ཕུབ་ལ།། རྒྱུ་ཡི་ཡི་གེ་ཧཱུཾ་དེ་ལས།། བདག་ཉིད་རྡོ་རྗེ་སེམས
251a6 དཔར་བསྐྱེད།། ཞལ་གཅིག་ཕྱག་གཉིས་སྐུ་མདོག་མཐིང་།། གཡས་པས་རྡོ་རྗེ་གཡོན་པས་དྲིལ།། སེང་གེ་ཉི་ཟླ་པདྨའི་གདན།། བརྐྱང་བསྐུམ་སྐྱིལ་ཀྲུང་གང་གསལ་བསྐྱེད།། དེ་ནི་དམ་ཚིག་སེམས་དཔའ་སྟེ།། དེ
iiif viewer powered by OpenSeadragon
