| e-texts navigator |
| Wylie |
24b1 པ་ཡིན།། ལྷ་ཡི་ལམ་ནི་གཡེང་བའོ།། གནས་པའི་ཕྱིར་དང་བགྲོད་ཕྱིར་ལམ།། རྐྱེན་དང་རྟེན་པ་མི་འབྲལ་བ།། འཁོར་དང་མྱ་ངན་འདས་པའི་ལམ།། དམྱལ་བའི་གནས་ན་བཟོད་དང་ལྡན།། ཡི་དྭགས་གནས་ན
24b2 ཡིད་དང་ལྡན།། བྱོལ་སོང་གནས་ན་མྱོས་པ་དང་།། མི་ཡི་གནས་ན་འདོད་དང་ལྡན།། ལྷ་མིན་གནས་ན་རྩོད་དང་ལྡན།། ལྷ་ཡི་གནས་ན་དགའ་ལྡན་ནོ།། རྟེན་པའི་དོན་ཕྱིར་གནས་སུ་བསྟན། རིགས་ཀྱི་བུ་དེ་དག་གི
24b3 རྒྱུ་ནི་ཉོན་མོངས་པ་སྟེ། དེ་ཡང་རང་རང་སྒྲ་ལ་འཇུག་པའི་རྒྱུ་མཚན་དང་། དོན་གྱི་བྱེ་བྲག་སོ་སོར་ཕྱེ་ན་ལས་རྒྱུ་འབྲས་དང་། དེ་ཁོ་ན་ཉིད་ཀྱི་དོན་མ་ཤེས་པས་མ་རིག་པའོ།། འདོད་ཆགས་ནི་ཞེན་པའོ།། ང་རྒྱལ་ནི
24b4 ཁེངས་པའོ།། ཁོང་ཁྲོ་བ་ནི་མནར་སེམས་པའོ།། ཞེ་སྡང་ནི་འཁྲུག་པའོ།། ཕྲག་དོག་ནི་མི་བཟོད་པའོ།། དེ་དག་ནི་རྒྱུ་དྲུག་གོ། དེ་ལས་ངོ་བོ་དྲུག་དང་། འབྲས་བུ་དྲུག་སྨིན་པའོ།། ཀྱེ་གསང་བའི་བདག་པོ།། དེ་དག
24b5 ནི། འགྲོ་བ་དྲུག་ལ་ད་ལྟར་གནས་པའི་ཆོས་ཏེ། རྒྱུད་གར་བྱུང་ཡང་བསྐལ་པ་ཐ་མའི་ཆོས་སུ་འདིར་བཤད་པ་ལྟར་ཤེས་པར་གྱིས་ཤིག། ཅེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། འབྱུང་བ་ལྔ
24b6 མདོར་བསྡུས་ནས་བསྟན་པའི་ལེའུ་སྟེ་ཉེར་གཅིག་པའོ།། དེ་ནས་ཡང་གསང་བའི་བདག་པོས་ཞུས་པ། འཁོར་བ་རྒྱན་དང་རོལ་པར་ཤར་བའི་དོན་དེ་ལྟར་ལགས་ན། དེ་ལྟར་འབྱུང་བའི་འབྱུང་བ་ལྔ་བཤད་དུ
iiif viewer powered by OpenSeadragon
