| e-texts navigator |
| Wylie |
24a1 སྟེ་ཉི་ཤུ་པའོ།། །། དེ་ནས་ཡང་གསུངས་པ།། ཀྱེ་ཀྱེ་རྡོ་རྗེ་འཛིན་པ་ཁྱོད་ཉོན་ཅིག། ང་ཡིས་རྒྱུད་ལུང་ཐམས་ཅད་དུ།། བསྐལ་པ་ཐ་མའི་ཚིག་བརྗོད་པ།། ཚོགས་བརྒྱད་ལྡན་པའི་སེམས་ཅན
24a2 ཡིན།། རྒྱུ་བྱེད་སྦུབས་དང་དབུགས་ཀྱང་བཅས་པའི་རྟོགས་བྱེད་སེམས་སུ་བཤད། མང་པོ་འདུས་པས་ཕུང་པོ་ཡིན།། འདུས་པའི་ཕྱིར་ན་དེ་བཞིན་ནོ།། ཁམས་ནི་མཚན་མའི་ཆོས་ཉིད་ཅན།། མཚན་མ་བསྐྱེད་ཕྱིར
24a3 སྐྱེ་མཆེད་ཡིན།། སོ་སོ་དག་གི་སྒོ་གསལ་ཞིང་།། རང་རང་ཡུལ་ལ་དབང་བྱེད་དབང་པོར་བསྟན།། གཟུགས་ནི་ཁ་དོགས་དབྱིབས་སུ་བསྟན།། སྒྲ་ནི་རྣ་བའི་ཡུལ་དུ་བསྟན།། དྲི་ནི་སྣ་ཡི་ཡུལ་དུ་བསྟན།། རོ་ནི་ལྕེ་ཡི
24a4 ཡུལ་དུ་བསྟན།། རེག་ནི་ལུས་ཀྱི་ཡུལ་དུ་བསྟན།། དེ་ཡི་ཕྱིར་ན་དེ་སྐད་བཤད།། ཚོར་བ་དུ་མ་མྱོང་བ་ཡིན།། འདུ་ཤེས་ཡུལ་ལ་མཚན་མར་འཛིན།། འདུ་བྱེད་སེམས་ལ་གཡོ་བར་བྱེད།། ཡིད་ལ་བྱེད་པ་དམིགས་པ
24a5 སྟེ།། རིག་པ་དག་གིས་གང་གཅོད་པའོ།། རྣམ་ཤེས་རྣམ་པར་རིག་པའོ།། ཐམས་ཅད་ཀུན་ལས་བྱེད་ཕྱིར་དང་།། རྒྱུ་རྐྱེན་ལས་བྱུང་འདུ་བྱེད་ཡིན།། རླན་ལས་སྐྱེས་པས་གློ་བུར་ཡིན།། རྫོགས་པར་སྨིན་པས་རྫུས
24a6 སྐྱེས་ཡིན།། མངའ་སྐྱེས་རིམ་པར་སྨིན་པའོ།། སྒོ་ང་ལས་སྐྱེས་འགྱུར་ཏེ་སྨིན།། དམྱལ་བ་གདུང་པའི་ལམ་པ་ཡིན།། ཡི་དྭགས་འགོག་པའི་ལམ་པ་ཡིན།། བྱོལ་སོང་མུན་པའི་ལམ་པ་ཡིན།། མི་ཡི་ལམ་ནི་འདོམ
iiif viewer powered by OpenSeadragon
