| e-texts navigator |
| Wylie |
249b1 འཕྲོས།། མཆོད་སྦྱངས་དྲེགས་པ་བསད་མནན་བསྲེག། རྗེས་སུ་ཕྲ་རགས་མཆོད་པ་དབུལ།། སྟོང་གསུམ་འཇིག་རྟེན་རབ་འབྱམས་ཀྱི།། རྒྱལ་བ་རྡུལ་སྙེད་མཉམ་པར་མཆོད།། ཕྲིན་ལས་རིགས་བརྒྱའི་བཤགས་པ
249b2 ཡིན།། ཁོང་ཁྲོ་ཕྲག་དོག་ལ་སོགས་ཏེ།། དུག་ལྔ་ཆགས་སྡང་བྱང་འདག་ངེས།། འདོད་ཁམས་གཟུགས་ཁམས་གཟུགས་མེད་ཁམས།། ལྷ་གནས་རྣམ་གསུམ་དོང་སྤུག་ཡིན།། ཐུགས་ལྟར་བཤགས་པས་ན་རཀ།
249b3 གནས།། ཚ་གྲང་རྡོ་རྗེ་དོང་སྤུག་ཡིན།། གསུང་ལྟར་བཤགས་པས་རྒྱུ་རྣམས་སྨིན།། ཡི་དྭགས་རིགས་གསུམ་དོང་སྤུག་ཡིན།། སྐུ་ལྟར་བཤགས་པས་མ་ངེས་གནས།། རྐང་རྫོགས་རྣག་ཁྲག་དོང་སྤུག་ཡིན།། ཡོན་ཏན
249b4 ལྟར་བཤགས་གླིང་བཞིའི་མི།། རིགས་བཞི་མི་ཡི་དོང་སྤུག་ཡིན།། བྱ་བའི་ལས་གྲུབ་ཡེ་ཤེས་པས།། གཞན་མེད་རང་ཆས་རང་བྱུང་ཤེས།། བྱར་མེད་བྱ་བ་གྲུབ་པའི་ཡེ་ཤེས་ཡིན།། དོན་གྲུབ་མངོན་པར་བྱང་ཆུབ
249b5 སྐུ།། རེ་དོག་མེད་པས་ལས་རྣམས་ཟིན།། ཞེས་གསུངས་སོ།། རྡོ་རྗེ་བརྒྱ་པའི་རྒྱུད་ལས་སྔགས་བདག་མཆོང་གི་ལེའུ་སྟེ་བཅུ་གཅིག་པའོ།། །། དེ་ནས་ཡང་ནི་བཀའ་སྩལ་པ།། ཉོན་ཅིག་རྡོ་རྗེ་རིགས་ཀྱི
249b6 འཁོར།། དེ་དག་ཞི་རྒྱས་དབང་དྲག་ལས།། ཞི་བའི་ལས་རྣམས་བསྒྲུབ་པ་ནི།། ཉམས་དགའ་ས་དཀར་ཤར་བལྟས་པར།། དཀར་གསུམ་འབྲས་བུ་དཀར་པོའི་ཤིང་།། ཙན་དན་མེ་ཏོག་དཀར་པོ་སོགས།། དུང་དང
249b7 མ
iiif viewer powered by OpenSeadragon
