| e-texts navigator |
| Wylie |
246b1 འཕྲོས།། མཆོད་སྦྱངས་ཚར་བཅད་སྐུ་ལྟར་བཤགས།། གཏི་མུག་མ་རིག་དག་པར་ངེས།། སྲོག་སྙིང་སྣང་རྟགས་རང་བྱུང་གནས།། ཡུལ་མེད་མིང་བྲལ་ཚངས་པའི་ཚད།། ལུས་ངག་ཡིད་གསུམ་གཅུད་ལ་བོར།། སྲོག
246b2 དང་སྙིང་པོ་ཨར་ལ་གཏད།། སྣང་བ་ཡོད་མེད་འཁྲུལ་མ་འཁྲུལ།། འཁྲུལ་པ་བདེན་རྫུན་འཁྲུལ་པའི་ཆོད།། མཐོ་དད་ཟག་པར་མི་སྦྲུལ་མེད།། སྒྱུ་མའི་ཆོས་ལ་མཐོང་སྟོབས་མེད།། ཅེས་གསུངས་སོ།། རྡོ་རྗེ་བརྒྱ
246b3 བཤགས་ཀྱི་རྒྱུད་ལས་སྐུ་ལྟར་བཤགས་པ་ཞི་བའི་ལེའུ་སྟེ་བདུན་པའོ།། །། རྡོ་རྗེ་མཚང་གིས་བཀའ་སྩལ་པ།། ཉོན་ཅིག་ལག་ན་རྡོ་རྗེ་འཁོར་བཅས་ཀུན།། རྡོ་རྗེ་རིགས་ཀྱི་ཡོན་ཏན་ཏེ།། རིན་ཆེན་རྡོ་རྗེ་རྡོ་རྗེའི
246b4 སྐུ།། ལྷ་བརྒྱ་སྲོག་གི་སྙིང་པོ་བརྒྱས།། ང་རྒྱལ་ཀུན་སློང་བཤགས་པས་ཚངས།། ཚེ་དང་བསོད་ནམས་ལོངས་སྤྱོད་དང་།། ཆོས་དང་ཡེ་ཤེས་སེམས་དང་མཐུ།། སྨན་དང་འབྲུ་དང་བུ་ཚ་དང་།། འཁོར་དང་ཕྱུགས་དང
246b5 བསམ་པ་ཀུན།། འཕེལ་བར་འགྱུར་ཏེ་ཐེ་ཚོམ་མེད།། སྦྱོར་བ་དངོས་གཞི་རྗེས་གསུམ་བྱ།། བྱམས་དང་སྙིང་རྗེ་སྔོན་བཏང་ལ།། སེམས་དཔའ་གསུམ་གྱི་དོན་ལ་འཇུག། དངོས་གཞི་ཆོས་འཁོར་སྤྲོ་བསྡུ་བྱ།། མཆོད
246b6 སྦྱངས་དྲེགས་པ་ཚར་བཅད་ཡིན།། རྗེས་སུ་ལའང་རྟོགས་པའི་གདེང་།། དམིགས་པ་མེད་པར་སྒྲོ་འདོགས་བཅད།། རིན་ཆེན་རིན་ཆེན་འབྱུང་ལྡན་ཆེས།། སེང་གེའི་སྒྲ་བསྒྲགས་ལེགས་པར་ཟུང་།། སྭཱ་རཏྣ་སཏྭ་ས་མ
iiif viewer powered by OpenSeadragon
