| e-texts navigator |
| Wylie |
245a1 ཡིན།། སྐུ་ཡི་ལྷ་བརྒྱ་ཡིག་འབྲུ་བརྒྱ།། གསུང་གི་ལྷ་བརྒྱ་ཡིག་འབྲུ་བརྒྱ།། ཐུགས་ཀྱི་ལྷ་བརྒྱ་ཡིག་འབྲུ་བརྒྱ།། ཡོན་ཏན་ལྷ་བརྒྱ་ཡིག་འབྲུ་བརྒྱ།། ཕྲིན་ལས་ལྷ་བརྒྱ་ཡིག་འབྲུ་བརྒྱ།། བསྡུ་ན་རྡོ་རྗེ
245a2 རིགས་ལྔར་བསྡུ།། དེ་ཉིད་སྐུ་གསུང་དོན་གཅིག་འདྲིལ།། འཁོར་ལོ་ལྔ་དང་དཀྱིལ་འཁོར་སྡེབ།། བཤགས་པའི་རྒྱུད་ལྔ་དུག་ལྔ་ཉོན་མོངས་བརྒྱ།། བཤགས་པའི་དབང་པོ་རིགས་ལྔ་བརྒྱ་པའི་ལྷ།། བཤགས་བྱང
245a3 ཚངས་པའི་ཡི་གེས་ཡུལ་མིང་མེད།། དོན་མཆོག་སྙིང་པོ་ཆོས་མིང་ལྟ་བའི་གདེང་།། གང་སྣང་གྲོགས་སུ་གྱུར་པ་བསྒོམ་པའི་གདེང་།། མཉམ་ཉིད་སྤང་བླང་མེད་པ་སྤྱོད་པའི་གདེང་།། རེ་དོགས་ཕྱི་དུས་མེད་པ་འབྲས
245a4 བུའི་གདེང་།། ཞེས་གསུངས་སོ།། ཐུགས་མཆོག་ཡི་གེ་བརྒྱ་པའི་རྒྱུད་ལས་བརྒྱ་ཚན་རྒྱས་བསྡུས་བཤགས་བྱང་གི་ལེའུ་སྟེ་ལྔ་པའོ།། །། དེ་ནས་བཛྲ་པཱ་ཎི་ཡིས།། རྡོ་རྗེ་འཆང་ལ་འདི་སྐད་ཞུས།། ཀྱེ་ཀྱེ་རྡོ་རྗེ
245a5 འཆང་བ་ཆེ།། དེ་ལྟར་ན[:]རག་དོང་ནས་སྤྲུག། ཐུགས་ཀྱི་དཀྱིལ་འཁོར་བཛྲ་ཡི།། ལྷ་བརྐུའི་ཡིག་འབྲུ་བརྐུ་པ་གང་།། ཞེས་གསོལ་པས། རྡོ་རྗེ་འཆང་གིས་བཀའ་སྩལ་པ།། ཉོན་ཅིག་བཛྲ[:]པཱ་ཎི
245a6 སོགས།། ཐུགས་མཆོག་རྡོ་རྗེ་སེམས་དཔའ་ཡི།། ཐུགས་ཀྱི་སྙིང་པོ་འབྲུ་གཅིག་ལས།། རང་བྱུང་ཡི་གེ་འཕྲོས་པ་བརྒྱ།། རྡོ་རྗེ་སེམས་དཔའ་སེང་གེས་བསྒྲགས།། འཁོར་ཚོགས་ཁྱེད་ཀྱིས་ལེགས་པར་ཟུང་།། ཧཱུཾ་ཧཱུཾ
iiif viewer powered by OpenSeadragon
