| e-texts navigator |
| Wylie |
244b1 སོ།། རྡོ་རྗེ་སེམས་དཔའ་ཡི་གེ་བརྒྱ་པའི་རྒྱུད་ལས་དམ་ཚིག་རྩ་བ་ཡན་ལག་སྐྱོན་ཡོན་མཚོན་པའི་ལེའུ་སྟེ་བཞི་པའོ།། །། དེ་ནས་ཡང་བཛྲ་པཱ་ཎི་བཞིན་འཛུམ་མུལ་ཏེ་གསོལ་པ། ཀྱེ་ཀྱེ་སྟོན་པ་འགྲོ་བའི
244b2 མགོན།། བླ་མེད་གསང་སྔགས་དམ་ཉམས་ནས།། ན་ར་ཀ་ངན་སོང་གནས་ལྟུང་བ།། ངན་སོང་དོང་ནས་གང་གི་སྤྲུགས།། ཅེས་ཞུས་པས། ཉོན་ཅིག་གསང་བདག་འཁོར་ཚོགས་ཁྱོད།། མཚམས་མེད་རྩ་བ་ཡན་ལག
244b3 གིས།། ན་ར་ཀ་ངན་སོང་རྡོ་རྗེའི་གནས།། ཚ་གྲང་ཉེ་འཁོར་རྡོ་རྗེ་དམྱལ་བ་ཡང་།། དོན་མཆོག་དོང་སྤུག་བརྒྱ་པས་ཐར།། རྒྱུ་གནས་རྣམ་སྨིན་ཡི་དགས་ཀྱང་།། དོན་མཆོག་དོང་སྤུག་བརྒྱ་པས་འདྲེན།། རྐང་མེད་རྐང
244b4 གཉིས་རྐང་བཞི་དང་།། རྐང་མང་ཁྲག་ཅན་རྣག་ཅན་བྱོལ་སོང་ཡང་།། དོན་མཆོག་དོང་སྤུག་བརྒྱ་པས་ཐར།། དོན་མཆོག་སྙིང་པོ་འབྲུ་གཅིག་ལ།། ཡོན་ཏན་ཡིག་འབྲུ་བརྒྱ་ཚན་ལྔ།། རྡོ་རྗེ་སེམས་དཔའ་ལྔ་ཚན
244b5 ཡིན།། ལྔ་གསུམ་གཅིག་ཏུ་བསྡུས་རྒྱས་ཡིན།། ཐིག་ལེ་ཆེན་པོ་ཡི་གེ་བརྒྱ།། དམ་པ་རིགས་བརྒྱ་གསང་ཆེན་ལྔ།། རིགས་གསུམ་གཅིག་ཏུ་བྱས་པ་ཡིན།། དཀྱིལ་འཁོར་ཆེན་པོ་ཡངས་པ་ཡིན།། ཞི་བ་སྐུ་ཡི་དཀྱིལ
244b6 འཁོར་དང་།། རྒྱས་པ་ཡོན་ཏན་དཀྱིལ་འཁོར་དང་།། དབང་མཆོག་གསུང་གི་དཀྱིལ་འཁོར་དང་།། ཀརྨ་ཕྲིན་ལས་དཀྱིལ་འཁོར་དང་།། ཐུགས་མཆོག་ཐུགས་ཀྱི་དཀྱིལ་འཁོར་དང་།། ལྷ་བརྒྱ་པ་ཡི་དཀྱིལ་འཁོར
iiif viewer powered by OpenSeadragon
