| e-texts navigator |
| Wylie |
243b1 གསལ།། སྙིང་པོའི་དོན་ལ་ཡོངས་མེད་པར།། ལུས་ངག་འགྱུ་དྲན་རང་བྱུང་བས།། སྡིག་སྒྲིབ་རང་གྲོལ་ཡེ་ཤེས་རང་།། འགྲོ་བ་ཀུན་ལ་རང་བཞིན་གནས།། དེ་ལ་དེ་བསྟན་དེ་ཡང་ཐོབ།། ཅེས་གསུངས་སོ།། ཡི་གེ
243b2 བརྒྱ་པའི་རྒྱུད་ལས་སྙིང་པོའི་དོན་རྟོགས་ན་སྡིག་བཅུ་རང་དག་གི་ལེའུ་སྟེ་གསུམ་པའོ།། །། དེ་ནས་ཡང་ལག་ན་རྡོ་རྗེས་གསོལ་པ། ཀྱེ་ཀྱེ་སྟོན་པ་རྡོ་རྗེ་འཆང་།། གསང་བ་གསང་བའི་སྙིང་པོ་ཡིས།། གསང
243b3 སྔགས་དམ་ཚིག་སྐྱོན་ཡོན་གང་།། དམ་ཚིག་བསྲུང་སྡོམ་བཤགས་ཐབས་ཞུ།། ཞེས་གསོལ་པ་དང་། རྡོ་རྗེ་འཆང་གིས་བཀའ་སྩལ་པ།། ཉོན་ཅིག་བཛྲ་པཱ་ཎི་སོགས།། གསང་སྔགས་གསང་བའི་སྒོར་འཇུག་ན།། སྦྲུལ
243b4 ནི་སྒྱུག་དོང་ཞུགས་པ་འདྲ།། གསང་སྔགས་གསང་བའི་དོན་སྟོན་ལ།། བུ་དང་ཆུང་མ་ནོར་གྱི་དབྱིག། རབ་ཏུ་གཅེས་དང་ཡིད་འཐད་དབུལ།། སྐུ་གསུང་ཐུགས་ཀྱི་དམ་ཚིག་བསྲུང་།། ལུས་མིག་སྲོག་ལྟར་བཀུར་བར
243b5 བྱ།། རྒྱུད་ལུང་ཁོང་ཁྲོལ་སློབ་དཔོན་ལ།། དམ་ཚིག་ལུས་ལ་ཚད་བཙུགས་བཀུར།། དབང་བསྐུར་སྲོག་གི་སློབ་དཔོན་ལ།། དམ་ཚིག་དཔྲལ་གྱི་མིག་ལྟར་བསྲུང་།། མན་ངག་བལྟ་བསྒོམ་སློབ་དཔོན་ལ།། དམ་ཚིག
243b6 སྲོག་ལྟར་བསྲུང་བ་ཡིན།། ཡིད་དམ་ལྷ་དང་མི་འབྲལ་བསྒོམ།། ལྕམ་དྲལ་ཕྲག་དོག་ངན་སེམས་སྤང་།། ཕ་སྤུན་སྲིང་ལ་དཔྱའ་མི་བྱ།། སྐུ་ཡི་དམ་ཚིག་བསྲུང་སྡོམ་ཡིན།། སྔགས་དང་བླ་མའི་གསུང་མི་བཅག། ཆོས
iiif viewer powered by OpenSeadragon
