| e-texts navigator |
| Wylie |
243a1 གཙོ་བྱས་མི་དགེ་བཅུས།། འགྲོ་དྲུག་གནས་ན་སྡུག་བསྔལ་ཉོན་མོངས་སོ།། རང་རང་ལས་དང་ཚེ་ཚད་གཟུགས་བོང་ནི།། ཁམས་གསུམ་སེམས་ཅན་དེ་བཞིན་ནོ།། ལྷོ་ཕྱོགས་འཛམ་གླིང་མི་རིགས
243a2 ལ།། འགྲོ་དང་ལྟུང་བའི་གླིང་འདི་ཡིན།། སྙིང་པོའི་དོན་ལ་མཇལ་ཞིང་རྟོགས་ནུས་ན།། རིགས་དང་ན་ཚོད་རྒན་གཞོན་མེད།། དབུལ་ཕོངས་ཡིན་ཀྱང་མཆོག་ཏུ་འགྱུར།། སྤྲང་པོས་རྒྱལ་པོའི་སྲིད་ཟིན་འདྲ།། ཐམས
243a3 ཅད་སྣང་བ་སྙིང་པོར་འགྱུར།། མར་མེ་གཅིག་གི་བྱིན་རླབས་ཀྱིས།། བསྐལ་པའི་མུན་ནག་སེལ་བ་བཞིན།། སྙིང་པོའི་དོན་རིགས་སྐད་ཅིག་མས།། བསྐལ་པར་བསགས་པའི་སྒྲིབ་པ་བྱང་།། ནོར་བུ་རིན་ཆེན་བསྲེལ
243a4 བའི་མིར།། དབུལ་བའི་འཇིགས་པ་མེད་པ་ལྟར།། མཚམས་མེད་ལྔ་དང་སྡིག་པ་བཅུ།། སྙིང་པོའི་དོན་གོ་སྐད་ཅིག་གིས་ནི་བྱང་།། ལྷུང་གནས་འཁོར་བའི་འཇིགས་པ་མེད།། སྙིང་པོའི་དོན་འདུས་སུས་མཐོང
243a5 བ།། སྦྱིན་དང་ཚུལ་ཁྲིམས་བརྩོན་འགྲུས་བཟོད།། བསམ་གཏན་སྨོན་ལམ་སྟོབས་དང་ཐབས།། ཤེས་རབ་ཡེ་ཤེས་རྣམ་པ་བཅུ།། ས་དང་དགེ་བཅུ་ཕ་རོལ་རྫོགས།། དོན་གསང་སྙིང་པོའི་ཚིག་ཙམ་གྱིས།། ཉན་ཐོས
243a6 ལ་སོགས་དབུ་མ་དང་།། ཕྱོགས་ལྷའི་ཐེག་པ་ཟིལ་གྱིས་གནོན།། རྒྱུད་ལུང་མན་ངག་སྙིང་པོའི་ཆོས།། སེང་གེའི་སྒྲ་གྲགས་གཞན་འབྲོས་བཞིན།། སྡིག་སྒྲིབ་ཉོན་མོངས་བྱང་བར་ངེས།། ལུས་ངག་པར་མེད་དང་བར
iiif viewer powered by OpenSeadragon
