| e-texts navigator |
| Wylie |
242b1 རང་།། གཞི་ལས་འདས་པས་ཕྱིར་མི་ལྡོག། ཡེ་ཤེས་རང་བྱུང་རང་གྲོལ་ཡིན།། སྐུ་གསུང་ཐུགས་རྗེ་རང་བྱུང་འཆང་།། སྡིག་བཅུའི་བསྲུང་བསྡོམ་བཤགས་ཐབས་དང་།། འཕྲིན་ལས་རིམ་བཞིའི་ལས་ཁ
242b2 དང་།། ཆོས་ཉིད་ལ་ཟླ་ང་ཡི་བསྟན།། ཞེས་གསུངས་སོ།། རྡོ་རྗེ་སེམས་དཔའ་ཡི་གེ་བརྒྱ་པའི་རྒྱུད་ལས་ཞུས་ལེན་ཁོག་ཕུབ་པའི་ལེའུ་སྟེ་གཉིས་པའོ།། །། དེ་ནས་ཡང་བཛྲ་པཱ་ཎིས་ཞུས་པ། ཀྱེ་ཀྱེ་སྟོན་པ་རྡོ
242b3 རྗེ་འཆང་།། འཁོར་འདས་དེ་དོན་ཁྱོད་ཡིན་ན།། འགྲོ་དྲུག་ཁྱད་པར་དགེ་སྡིག་དང་།། ཉམས་དང་ཉམས་པའི་འབྲས་བུ་གང་།། ཞེས་གསོལ་པ་དང་། ཆོས་སྐུ་རྡོ་རྗེས་བཀའ་སྩལ་པ།། ཉོན་ཅིག་ལག་ན་རྡོ་རྗེ
242b4 ཉོན།། འཁོར་འདས་གསང་བ་སྒྲོལ་མ་སྒྲོལ།། གསང་བའི་སྙིང་པོ་སྤྱི་ལ་ཡིན།། རང་བཞིན་རང་བརྟགས་མྱ་ངན་འདས།། ང་སོགས་མཐར་མཁྱེན་སྐུ་གསུང་ཡིན།། ཡེ་ཤེས་རང་བྱུང་རང་རིག་ཡིན།། རང་བཞིན་མ
242b5 རིག་ཆགས་སྡང་བས།། རྒྱུ་འབྲས་འཛིན་ཆགས་དུག་ལྔར་འཁོར།། མཐོ་རིས་ངན་སོང་ཕྲ་རགས་ཁྱད།། གཟུང་འཛིན་ལུས་ངག་ཡིད་ཀྱིས་སྡིག། མི་དགེ་བཅུ་དང་མཚམས་མེད་ལྔ།། རིག་དྲུག་ལས་ཀྱི་རྣམ་སྨིན
242b6 བསགས།། འདོད་ལོག་མ་བྱིན་སྲོག་བཅད་དང་།། མི་ཚངས་སྤྱོད་དང་རྫུན་དང་ནི།། ཕྲ་མ་ངག་འཁྱལ་ལོག་ལྷ་དང་།། བརྣབས་སེམས་གནོད་སེམས་རྣམ་པ་བཅུས།། ཕྲ་རགས་གནས་ཀྱི་ཁྱད་པར་ལས།། དུག་ལྔས
iiif viewer powered by OpenSeadragon
