| e-texts navigator |
| Wylie |
242a1 དག་དོན་ལ་སྙིང་མེད་དེ།། ཚིག་ལམ་རྐྱེན་གྱིས་མ་མཚོན་ན།། རང་བྱུང་སྙིང་པོའི་དོན་མི་རྟོགས།། མཚོན་བྱེད་བརྡ་དང་ངག་གིས་མཚོན།། ཐམས་ཅད་འདུས་པའི་སྙིང་པོ་ཧཱུཾ།། སྙན་བརྒྱད་པྲ་ཁྲིད
242a2 གདམས་ངག་གིས།། ཡོད་མེད་གཉིས་ཀྱི་མཇུག་ཁྲིད་བསྟན།། གསང་སྔགས་སྣང་སྲིད་འཁོར་འདས་ཆོས།། བརྡ་རུ་བསྟན་པས་ཡོད་མེད་ཤེས།། དང་པོ་བརྡ་ཡིས་དེ་མཚོན་པས།། རང་ལུས་ཟག་བཅས་རྟགས་སུ
242a3 རྫོགས།། ཕྱི་ནང་ཐམས་ཅད་ནང་དུ་སྲིད།། དཀྱིལ་འཁོར་བུམ་པ་སྐུར་རྫོགས་རྟགས།། མིང་བཏགས་རྟོག་འཛིན་སྲོག་གི་གཞི།། བརྡ་བཏགས་གྲོལ་ན་སྲོག་མེད་རྟོགས།། གང་སྣང་མིང་དུ་བཏགས་པ་ཀུན།། ཡི
242a4 གེར་འདུས་པ་ཚིག་གི་གཞི།། རང་བྱུང་ཧཱུཾ་གི་བརྡ་ཡིས་བཏགས།། སྒྲ་བཏགས་ཐམས་ཅད་སྙིང་པོ་ཧཱུཾ།། རང་ལ་རང་གསང་གསང་བའི་སྒྲ།། རང་གསང་ཟོས་ནས་མིང་མེད་སྒྲོལ།། སྲོག་སྙིང་གཉིས་མེད་རང་བྱུང
242a5 བས།། ཡུལ་མེད་མིང་བྲལ་དོན་གྱི་མཆོག། ཆོས་མིན་ཆོས་ཉིད་རང་བྱུང་རང་།། དེ་བཞིན་ཉིད་དེ་ཅི་ཡང་མེད།། ལྟ་བ་མཐའ་ཆོད་ཡིན་པ་མེད།། སྒོམ་པ་རང་བྱུང་མིན་པ་མེད།། སྤྱོད་པ་མཉམ་ཉིད་སྤང་བླང
242a6 མེད།། འབྲས་བུ་རང་ཆས་རེ་དོགས་མེད།། དོན་གྱི་མཆོག་ཅེས་ཁོག་ཏུ་དབུབས།། སྙིང་པོ་ཡེ་ནས་དེ་ལྟར་ཡིན།། གཞི་དང་དངོས་པོའི་དོན་རྟོགས་པས།། ཀུན་གྱི་གཞི་ཡིན་དངོས་རྩལ་སྲིད།། སྲིད་པ་རང་གྲོལ་གཞི
iiif viewer powered by OpenSeadragon
