| e-texts navigator |
| Wylie |
241a1 རྩ་བརྒྱད་ཀྱིས་སྟོན་པ་རྡོ་རྗེ་འཆང་ལ་གཡས་རོལ་ནས་བསྐོར་ཏེ་བཞུགས་སོ།། གཞན་ཡང་དཀྱིལ་འཁོར་གྱི་ལྷ་ཚོགས་བསམ་གྱིས་མི་ཁྱབ་པ་ཕུར་པ་པདྨ་བདུད་རྩི་མ་གཤིན་ལ་སོགས་པས་ཡོངས་སུ
241a2 བསྐོར་རོ།། ཚངས་པ་ལ་སོགས་པའི་ལྷ་དང་། ཀླུ་དང་། ལྷ་མ་ཡིན་དང་། ཁྱབ་འཇུག་ལ་སོགས་པས་ཡོངས་སུ་བསྐོར་རོ།། རྡོ་རྗེ་དྲག་མོ་ལ་སོགས་པ་མཁའ་འགྲོ་མ་བསམ་གྱིས་མི་ཁྱབ་པས་བསྐོར་ཏེ། བསྐོར་བ
241a3 དང་མཆོད་པས་མཆོད་ཅིང་གནས་སོ།། གཙོ་འཁོར་དེ་རྣམས་ཐམས་ཅད་ཀྱང་ཡིན་མིན་སྤང་བླང་མེད་པའི་ཏིང་ངེ་འཛིན་རྡོ་རྗེ་སྙིང་པོ་རྒྱ་ཆད་མེད་པར་གནས་པ་ལ། འཁོར་དེ་དག་གི་ནང་ནས་རྡོ་རྗེ་སེམས་དཔས་ཁྲོ
241a4 བོཔོ་ཕྱག་ན་རྡོ་རྗེ་མངོན་པར་སྤྲུལ་ཏེ། སྟོན་པ་རྡོ་རྗེ་འཆང་བ་ལ་གཡས་ཕྱོགས་སུ་བསྐོར་བ་ལན་གསུམ་བྱས་ཏེ་ཡན་ལག་ལྔ་ས་ལ་གཏུགས་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། ཐལ་སྦྱར་རྡོ་རྗེ་བཟུང་སྟེ།
241a5 རྡོ་རྗེ་འཆང་བ་ཆེན་པོ་ལ་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་རྡོ་རྗེ་འཆང་།། རྡོ་རྗེའི་དབྱིངས་ན་ཀུན་བདེ་སྟེ།། ཁམས་གསུམ་འགྲོ་དྲུག་ཀུན་འཁོར་བ།། མཐོང་ལོག་གཟུང་འཛིན་དུག་ལྔ་ཡིས།། ཆགས་སྡང
241a6 དགེ་སྡིག་ལས་སྤྱོད་ནས།། བདེ་གཤེགས་སྙིང་པོས་ཡོངས་ལ་ཁྱབ།། ཐུགས་རྗེ་ཆེན་པོས་མི་གཟིགས་སམ།། སྔོན་གྱི་ཉིད་ཀྱི་ཐུགས་དམ་ཅི།། དེ་བས་འཁོར་བ་ཐུགས་རྗེས་ཟུང་།། ཞེས་ཞུས་པས། དེ་ནས་སྟོན་པ་རྡོ།
iiif viewer powered by OpenSeadragon
