| e-texts navigator |
| Wylie |
240b1 ནམ་མཁའི་སྙིང་པོས་བསྒྱུར་བའོ།། །། རྒྱ་གར་སྐད་དུ། བཛྲ་སཏྭ་ཤ་ཏཱ་ཀྵ་ར་ཨ་བྷི་ཥེ་ཀ་ཏོཏྟ་མ་རཱ་ཛ་ཙིཏྟ་ཀརྨ་སརྦ་ས་མ་ཡ་ཏནྟྲ་ནཱ་མ། བོད་སྐད་དུ། རྡོ་རྗེ་སེམས་དཔའ་ཡི་གེ་བརྒྱ་པ་ཐུགས་ཕྲིན་ལས་ཐམས
240b2 ཅད་ཀྱི་དམ་ཚིག་གི་རྒྱུད་ཅེས་བྱ་བ། བཅོམ་ལྡན་འདས་དཔལ་རྡོ་རྗེ་མཚང་ཆེན་པོ་ཆོས་ཀྱི་སྐུ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྡོ་རྗེ་འཆང་ཆེན་པོ་འོག་མིན
240b3 གནས་ཀྱི་དང་པོ་རྡོ་རྗེ་དབྱིངས་ན་བཞུགས་ཏེ། དེའི་ཚེ་དེའི་དུས་ན། རྡོ་རྗེ་འཆང་བ་ཡབ་ཡུམ་དང་། རྡོ་རྗེ་སེམས་དཔའ་ལ་སོགས་ཏེ། བུདྡྷ་རྡོ་རྗེ་དང་། རིན་ཆེན་རྡོ་རྗེ་དང་པདྨ་རྡོ་རྗེ་དང་། ཀརྨ་རྡོ་རྗེ་དང་། སངས
240b4 རྒྱས་སྤྱན་ལ་སོགས་ཏེ། འབྱུང་བའི་ཡུམ་ལྔ་དང་། ས་ཡི་སྙིང་པོ་ལ་སོགས་ཏེ། སེམས་དཔའ་བརྒྱད་དང་། ལཱ་སྱ་ལ་སོགས་ཏེ། སེམས་མ་བརྒྱད་དང་། རྣམ་རྒྱལ་ལ་སོགས་ཏེ། སྒོ་བ་བཞི་དང་། ལྕགས་ཀྱུ་ལ་སོགས
240b5 ཏེ། སྒོ་མ་བཞི་དང་། བརྒྱ་བྱིན་ལ་སོགས་ཏེ། ཐུབ་པ་དྲུག་རྣམས་ཀྱིས་རྡོ་རྗེ་འཆང་ཆེན་པོ་སྟོན་པ་ལ་གཡོན་ཕྱོགས་ནས་བསྐོར་རོ།། བཛྲ་ཁྲག་འཐུང་ལ་སོགས་ཏེ། རིགས་ཀྱི་ཁྲོ་བོ་ལྔ་དང་། བཛྲ་ཀྲོ་དྷི་ལ་སོགས་ཀྲོ
240b6 དྷི་མ་ལྔ་དང་། གོ་རཱི་ལ་སོགས་ཏེ། ཀོ་རཱི་བརྒྱད་དང་། སིངྒ་མུ་ཁ་ལ་སོགས་ཏེ། ཕྲ་མེན་བརྒྱད་དང་། ལྕགས་ཀྱུ་མ་ལ་སོགས་ཏེ། སྒོ་མ་བཞི་དང་། སྲིན་མོ་སྨུག་ནག་ལ་སོགས་ཏེ། ཡེ་ཤེས་ཀྱི་དབང་ཕྱུག་མ་ཉི་ཤུ
iiif viewer powered by OpenSeadragon
