| e-texts navigator |
| Wylie |
240a1 ཁྱེད་རྣམས་ཀྱིས།། དབང་མཆོག་རྒྱལ་པོའི་རྒྱུད་འདི་ནི།། དུས་ངན་ཐ་མའི་དུས་དག་ཏུ།། སྔགས་པས་དམ་ཚིག་མི་བསྲུང་བས།། ལས་ཀྱི་འབྲས་བུ་ངན་སོང་འཁོར།། ཟང་ཟིང་ནོར་གྱིས་མིག་བྲིད
240a2 ནས།། ན་རཀ་གནས་སུ་འཁོར་བྱེད་པ།། དེ་དུས་ང་ཡི་རྒྱུད་འདི་འབྱུང་།། དཔེར་ན་ནོར་བུ་རིན་ཆེན་འདྲ།། དབུལ་དང་ནད་དང་འཇིགས་པ་མེད།། ཐར་པའི་ལམ་སྐལ་བྱེད་པར་ངེས།། དཔེར་ན་མཁའ་ལ་ཉི་ཤར
240a3 ནས།། མུན་པའི་སྨག་ཉིད་གསལ་བའི་རྐྱེན།། ཉི་ཟླ་ལྟ་བུར་དོན་བྱེད་ངེས།། དཔེར་ན་མེ་དང་ཤིང་ལྟ་བུ།། ཤིང་ཉིད་མེ་ཡི་གྲོགས་སུ་ངེས།། ཀྱེ་ཧོ། ནམ་མཁའི་དབྱིངས་ན་འབྱུང་བ་གནས།། ས་ཆུ་མེ་རླུང་གང་ཡང
240a4 སྣང་།། ཐམས་ཅད་ནམ་མཁའི་ངང་དུ་ཐིམ།། ཞེས་གསུངས་ནས་སྟོན་པ་ཉིད་མི་སྣང་བར་གྱུར་ཏོ།། དེ་ནས་རིག་འཛིན་གྱི་རྒྱལ་པོ་དགེ་མཐོང་ལ་སོགས་པ་འཁོར་རྣམས་ཀྱིས་མངོན་པར་བསྟོད་དེ་རྗེས་སུ་ཡི་རང
240a5 ངོངོ།། སྤྲུལ་པ་རྣམས་ནི་མངོན་པར་བསྡུས་ཏེ། རྒྱུད་འདི་རྡོ་རྗེ་སྦྲུལ་སྐུ་པདྨ་བྱུང་གནས་ལ་གཏད་དོ། ཡི་གེ་བརྒྱ་པ་དབང་མཆོག་རྒྱལ་པོའི་རྒྱུད་ལས། རྒྱུད་ཀྱི་མཚོན་དཔེ་དང་ཡོངས་སུ་གཏད་པའི་ལེའུ་སྟེ་ཉེར་བརྒྱད
240a6 པའོ།། །། ལེའུའི་གྲངས་ནི་ཉི་ཤུ་བརྒྱད།། དབུ་ཞབས་དོན་ནི་གསུམ་དུ་འདུས།། ཡང་དག་དོན་གྱི་མན་ངག་འདི།། སྒྱུ་མ་མཉམ་པ་ཉིད་ལ་བལྟ། ཨུ་རྒྱན་གྱི་མཁན་པོ་པདྨ་བྱུང་གནས་དང་། བོད་ཀྱི་ལོཙྪ་བ
iiif viewer powered by OpenSeadragon
