| e-texts navigator |
| Wylie |
23a1 པས།། མཚོ་ལ་དར་ཆགས་ཞོ་ལ་སྤྲིས་ཆགས་ལྟར།། གླིང་བཞི་རི་རབ་གླིང་ཕྲན་སྣང་།། དེ་ཡི་བཅུད་ལ་སྲིད་པའི་སྒོ་ང་དང་།། རྩི་ཤིང་སྨན་དང་མེ་ཏོག་ནགས་ཚལ་འཁྲུངས།། རླན་དང་དྲོད་ལས་སྐྱེས
23a2 པ་ཡིན།། དེ་ལྟར་བར་གྱི་བསྐལ་པ་ལས།། སྣོད་ཀྱི་འཇིག་རྟེན་ལོགས་སུ་བསྐལ།། ཤེས་པས་མ་བཟུང་རླན་དང་དྲོད་ལས་སྐྱེས།། མཆོག་ཏུ་པདྨའི་སྒོ་ང་གྲུབ།། ཨུ་དུམྦ་ར་དག་ལ་བརྟེན།། དྲི་མེད་ཡེ་ཤེས་བརྫུལ
23a3 ནས་སྐྱེས།། འབྱུང་བ་ལྔ་ཡི་བདག་ཉིད་ཅན།། སྲིད་པའི་སྒོ་ང་མ་དག་སྟེ།། ཤེད་བུ་ཤེད་རིགས་དེ་ལས་སྐྱེས།། ཆགས་སྡང་གཉིས་ཀྱི་བདག་ཉིད་ཅན།། དེ་ནི་ལུས་ཀྱི་རྟེན་ཡིན་ནོ།། ཞེས་གསུངས་སོ།། རིགས་ཀྱི་བུ
23a4 དེ་ལ་མཚོན་པའི་ཚིག་བསྟན་པ། དང་པོ་གཞི་མཚོན་གོང་དུ་བྱུང་།། སངས་རྒྱས་སེམས་ཅན་འོག་ནས་འབྱུང་།། དེ་གཉིས་བར་དུ་རྩལ་འཕྲོ་བ།། བར་གྱི་བསྐལ་པར་བཤད་པ་ཡིན།། རང་གི་ས་ལ་གནས་པས
23a5 ན།། མི་བསྐྱོད་པ་ཞེས་དེ་ལ་བྱ།། དེ་མ་ཡིན་ལ་དེར་འཛིན་གྱིས།། འོད་ལྔ་འགྲིབ་ཅིང་རིག་པ་སྟོངས།། མི་བསྐྱོད་རྡོ་རྗེ་ཡིན་པར་བཤད།། འགྲོ་མ་ནུས་པས་འཕྱེ་བོ་ཡིན།། ངོ་བོ་གསལ་ལ་མི་འགོག་པ།། དངོས་སུ
23a6 གསལ་མ་ནུས་པ་ཡིན།། མི་གསལ་གསལ་བའི་བདག་ཉིད་ཅན། གཞི་ལས་འཕགས་ཞིང་སེམས་ཅན་སངས་རྒྱས་དངོས་མ་ཡིན། བར་ན་མྱུ་གུ་ཇི་བཞིན་ནོ།། མྱུ་གུ་འབྱུང་ཞེས་དེ་ལ་བྱ།། དེ་བཞིན་ངས་བསྟན་རྒྱུད
iiif viewer powered by OpenSeadragon
