| e-texts navigator |
| Wylie |
239b1 བཛྲ་པཱ་ཎི་སོགས།། ང་ཡི་རྒྱུད་ཆེན་རྒྱལ་པོ་ནི།། དཔེར་ན་ཉི་མ་མུན་པ་འདྲ།། མུན་ཁུང་སྒྲོལ་བའི་རྒྱུད་དུ་ཟུང་།། དཔེར་ན་ནད་དང་སྨན་ལྟ་བུ།། སྨན་མཆོག་རྒྱལ་པོའི་རྒྱུད་དུ་ཟུང་།། དཔེར་ན་རྩི་ཤིང་མེ་ལྟ
239b2 བུ།། བསྐལ་པའི་མེ་ཆེན་རྒྱུད་དུ་ཟུང་།། དཔེར་ན་དམངས་དང་རྒྱལ་པོ་འདྲ།། དབང་མཆོག་རྒྱལ་པོའི་རྒྱུད་དུ་ཟུང་།། དམ་པ་རིགས་བརྒྱའི་ལྷ་གསལ་བས།། གསང་ཆེན་རིགས་བརྒྱའི་རྒྱུད་དུ་ཟུང་།། དེ་ཉིད་རིགས
239b3 ལྔའི་ལྷར་བསྡུས་ནས།། ཡི་གེ་བརྒྱ་པའི་སྔགས་བརྗོད་པས།། ཡི་གེ་བརྒྱ་པའི་རྒྱུད་དུ་ཟུང་།། ཉམས་ཆག་ཐམས་ཅད་འདིས་བསྐང་བས།། བཤགས་པ་ཆེན་པོའི་རྒྱུད་དུ་ཟུང་།། འགྲོ་དྲུག་གནས་ནས་འདིས་འདྲེན
239b4 པས།། འཁོར་བ་དོང་སྦུགས་རྒྱུད་དུ་ཟུང་།། ཐམས་ཅད་སྒྱུ་མར་ལ་ཟླ་བས།། སྒྱུ་མ་མཉམ་ཉིད་རྒྱུད་དུ་ཟུང་།། སྣང་སྲིད་ལྷ་དང་དཀྱིལ་འཁོར་དང་།། བསྙེན་བསྒྲུབ་བསྐྱེད་རྫོགས་དམ་ཚིག་སྔགས།། ཕྱག་རྒྱ་དབང
239b5 དང་དམ་ཚིག་དང་།། འཁོར་འདས་ཐམས་ཅད་བལྟས་པས་མཐོང་།། ལྟ་བ་དབང་མཆོག་རྒྱུད་དུ་ཟུང་།། མཐོང་ནས་བསྒོམ་དུ་མེད་པས་ན།། སྒོམ་པ་དབང་མཆོག་རྒྱུད་དུ་ཟུང་།། ཅི་ཡང་སྤྱད་དུ་མེད་པས་ན།། སྤྱོད
239b6 པ་རྒྱལ་པོའི་རྒྱུད་དུ་ཟུང་།། མཐོང་བས་འདུ་འབྲལ་མེད་མཐོང་བས།། འབྲས་བུ་དབང་མཆོག་རྒྱུད་དུ་ཟུང་།། ཉམས་གྲིབ་ཐམས་ཅད་འདིས་དག་པས།། དམ་ཚིག་ཁྲུས་ལུང་རྒྱུད་དུ་ཟུང་།། འཁོར་ཚོགས་འདུས་པ
iiif viewer powered by OpenSeadragon
