| e-texts navigator |
| Wylie |
239a1 ཉམས་པའི་ཚོགས།། མི་འཆབ་མི་སྦེད་མཐོལ་ལོ་བཤགས།། སླན་ཆད་བསྡམ་མོ་དབང་མཛོད་ཅིང་།། སྔ་རབས་གོང་དུ་ཅི་བགྱིས་པ།། ལུས་ངག་ཡིད་ཀྱི་འབད་རྩོལ་གྱིས།། ཕ་རོལ་ཕྱིན་དྲུག་ཉམས
239a2 བླངས་ནས།། འགྱོད་ཚངས་དཔང་གསོལ་ཞི་ཁྲོའི་ལྷར།། ལུས་ངག་ཡིད་གསུམ་མོས་ཕྱག་བཤགས།། བྱིན་རླབས་སྔགས་མཆོག་བརྒྱ་པ་ནི།། བདུན་གསུམ་ཉི་ཤུ་རྩ་གཅིག་གམ།། བརྒྱ་རྩ་བརྒྱད་དུ་བཤགས་པ
239a3 བྱ།། སྨྲེ་འགྱོད་མཐོལ་བ་གདུང་བའི་ཚིག། བརྐྱང་ཕྱག་གུས་ཕྱག་ཚིག་གིས་བཤགས།། སེམས་བསྐྱེད་ལ་བརྩོན་འགྲོ་བའི་དོན།། སྨོན་ལམ་བཀྲ་ཤིས་དགེ་བས་བཤགས།། ཐམས་ཅད་ཡུལ་མེད་མིང་བྲལ
239a4 མཐོང་།། རྟོག་པ་མཉམ་ཉིད་ལྟ་བས་བཤགས།། ཨེ་མ་བདག་གི་ཕུང་པོ་ཁམས་དང་སྐྱེ་མཆེད་རྣམས།། འདོད་པའི་ཡོན་ཏན་ལྔར་བསྒྱུར་ཏེ།། ཕྱི་ནང་གསང་བའི་མཆོད་པར་བཞེས།། བ་སྤུ་རྡུལ་ཕྲན་རེ་རེས
239a5 ཀྱང་།། འགྲོ་བའི་དོན་རྣམས་བྱེད་པར་ཤོག། ཅེས་གསོལ་ནས། ཕྱི་ནང་གསང་བ་གསུམ་གྱི་མཆོད་པ་ཕུལ་ལོ།། དབང་མཆོག་རྒྱལ་པོའི་རྒྱུད་ལས། སྒྱུ་མ་བཤགས་མཆོད་སྨོན་ལམ་གྱི་ལེའུ་སྟེ་ཉེར་བདུན
239a6 པའོ།། །། དེ་ནས་འཁོར་དེ་དག་གིས། རྡོ་རྗེ་སེམས་དཔའ་མགོན་པོ་ལགས།། རྒྱུད་ཆེན་འདི་ཡི་དཔེ་མཚོན་ཅི།། གང་གི་དུས་སུ་དར་བར་བགྱི།། ཞེས་ཞུས་སོ།། རྡོ་རྗེ་སེམས་དཔས་བཀའ་སྩལ་པ།། ཉོན་ཅིག
iiif viewer powered by OpenSeadragon
