| e-texts navigator |
| Wylie |
238b1 གིས།། གླང་ཆེན་རྩལ་ལྡན་ལག་ནོམས་ནས།། སྣ་དང་མཇུག་མ་རྐང་ལག་རྒྱབ།། རང་རང་གང་རེག་བསྒོམ་པ་འདྲ།། བསྒོམ་པས་གླང་ཆེན་རིང་དུ་སྤངས།། ལྟ་བའི་གནས་ལུགས་མ་རྟོགས་པར།། སྒོམ་པ་བྱེད་པའི
238b2 བླུན་པོ་རྣམས།། དམུས་ལོང་གླང་ཆེན་བསྒོམ་པ་འདྲ།། དེ་བས་མཁས་པས་ལེགས་པར་ལྟོས།། རྨི་ལམ་ལྟོས་ཤིག་མཐོང་བ་ན།། རྨི་ལམ་ཤེས་ནས་རྨི་ལམ་བསྒོམ།། རྨི་ལམ་གོམས་པ་བསྒོམ་པ་ཡིན།། སྒྱུ་མ་མཐོང
238b3 ན་སྒྱུ་མ་བསྒོམ།། སྒྱུ་མའི་གཟུགས་དང་སྒྱུ་མའི་སྒྲ།། སྒྱུ་མའི་དྲི་དང་སྒྱུ་མའི་རོ།། སྒྱུ་མའི་རེག་དང་སྒྱུ་མའི་ཆོས།། སྒྱུ་མ་ལེགས་པར་མཐོང་བ་ན།། སྒྱུ་མ་འདྲིས་པ་བསྒོམ་པ་ཡིན།། བསྒོམ་པར་གྱིས་ཤིག་སྒྱུ་མ
238b4 ལས།། སྒྱུ་མར་སྤྱོད་ཤིག་སྒྱུ་མ་ཡིན།། སྒྱུ་མ་འབྲས་མེད་འབྲས་བུ་ཡིན།། དེ་བཞིན་རྨི་ལམ་སྨིག་རྒྱུ་རྣམས།། དེ་ལྟར་མཁས་པས་ལེགས་པར་ལྟོས།། མཐོང་ངམ་མཐོང་ན་ལྟ་བ་ཡིན།། དེ་དག་གོམས་ན་སྒོམ
238b5 པའོ།། གཉིས་མེད་སྤྲད་ན་སྤྱོད་པ་ཡིན།། འདུ་འབྲལ་མེད་པ་འབྲས་བུའོ།། ཞེས་གསུངས་སོ།། དེ་ནས་རིག་འཛིན་དགེ་མཐོང་དེས།། སངས་རྒྱས་རྡོ་རྗེ་སེམས་དཔའ་དང་།། མགོན་པོ་རྡོ་རྗེ་འཛིན་པ་ལ།། འཛུམ
238b6 པའི་མདངས་ཕྱུང་གུས་བཏུད་ནས།། རྒྱལ་བའི་ཚོགས་ལ་འདི་སྐད་གསོལ།། དྲུག་གི་དཀྱིལ་འཁོར་གཉིས་འདུས་ལྷར།། བདག་འདྲ་མ་རིག་རྟོག་པ་ཡིས།། ཡང་དག་ཉིད་ལ་ལོག་བལྟས་ནས།། རྩ་བའི་དམ་ཚིག
iiif viewer powered by OpenSeadragon
