| e-texts navigator |
| Wylie |
238a1 བདེན་པ་མེད།། དེ་བཞིན་སྤྲུལ་པའི་སྤྲུལ་པ་ཡང་།། ཡོད་ནས་མི་སྦྲུལ་མེད་ནས་སྤྲུལ།། སྤྲུལ་པ་ཡིན་པས་ཡོད་པ་མེད།། དེ་བཞིན་འཁྲུལ་པའི་ལས་རྣམས་ཀྱང་།། སྤྲུལ་པ་ཉིད་དང་ཀྲི་ལེ་མཉམ།། ཅི
238a2 ཕྱིར་འཁྲུལ་པ་ཟེར་བས་ཆོག། དེ་བཞིན་གཟུགས་བརྙན་ཆུ་ཟླ་འདྲ།། ཀྲོང་ངེ་འདུག་ཀྱང་སྣང་བ་མེད།། ཡོད་ན་སྣང་བ་མཐུན་ནོ་ཅོག། སྣང་བ་གཅིག་ལ་མཐུན་པ་མེད།། གཟུགས་བརྙན་ཉིད་དང་ཀྲི་ལེ་མཉམ།། དེ
238a3 ལྟར་སྒྲ་བརྙན་ལྟ་བུ་དེ།། ཡོད་ནས་མ་བཏགས་མེད་ནས་བཏགས།། ཡོད་ན་མིང་བཏགས་གཅིག་པར་རིགས།། གཅིག་ལ་མིང་མང་དོན་མཐུན་མེད།། སྒྲ་བརྙན་ཉིད་དང་ཀྲི་ལེ་མཉམ།། དེས་ན་བྲག་ཆ་ཉིད་དང་ཁྱད
238a4 པར་མེད།། ཡོད་ནས་མི་སྣང་མེད་ནས་སྣང་།། དཔེར་ན་དྲི་ཟའི་གྲོང་འཁྱེར་འདྲ།། ཀྲོང་ངེ་འདུག་པའི་དུས་ན་མེད།། སྣང་བ་རང་གིས་མེད་པ་ཡིན།། མེད་ན་སེམས་ཀྱི་ཆོ་འཕྲུལ་ལྟོས།། སྒྱུ་མའི་ཆོས་ཉིད་མཐོང་ན
238a5 ལྟ་བ་ཡིན།། མཐོང་མེད་མཐོང་ན་ཡིན་པ་མེད།། ལྟ་བ་ཡིན་པ་མེད་པ་ཡིན།། ཞེས་གསུངས་སོ།། དབང་མཆོག་རྒྱལ་པོའི་རྒྱུད་ལས། སྒྱུ་མ་དང་ཆོས་མཐུན་གྱིས་སྣང་བ་མེད་པར་ཟག་བཅད་པའི་ལྟ་བ་བསྟན་པའི
238a6 ལེའུ་སྟེ་ཉེར་དྲུག་པའོ།། །། དེ་ནས་ཡང་བཀའ་སྩལ་པ། རྡོ་རྗེ་འཛིན་པའི་འཁོར་འདུས་ཉོན།། མཐོང་ངམ་མཐོང་ན་མཐོང་བས་ལྟོས།། མཐོང་བ་མེད་ན་ཅི་ཞིག་བསྒོམ།། དཔེར་ན་དམུས་ལོང་འགའ་དག
iiif viewer powered by OpenSeadragon
