| e-texts navigator |
| Wylie |
237b1 སྣང་།། དཔེར་ན་སྒྱུ་མའི་དཔེ་བརྒྱད་འདྲ།། སྐྱེས་བུ་གཉིད་ལོག་རྨི་ལམ་ན།། བུ་དང་ཆུང་མ་ནོར་ཕྱུགས་ལྡན།། ཤིན་ཏུ་ལོངས་སྤྱོད་སྒྱིད་ལྡན་ལ།། གོ་མཚོན་དམག་མང་དག་གིས་ནི།། བུ་བསད་ནོར་བཅོམ་སྡུག
237b2 བསྔལ་རྨི།། སྐྱེས་བུ་དེ་ཡིས་རྨི་ལམ་དེ།། ཡོད་ནས་སྣང་ངམ་མེད་ནས་སྣང་།། སད་པར་གྱུར་ན་ཅི་སྙམ་སེམས།། འཁྲུལ་པའི་ཆོས་དེ་ཡོད་དམ་མེད།། དེ་བཞིན་ད་ལྟའི་འཁྲུལ་སྣང་ཡང་།། ཡོད་ནས་སྣང་ངམ་མེད
237b3 ནས་སྣང་།། རྨི་ལམ་ཚུལ་དུ་ཀྲི་ལེ་མཉམ།། རྨི་ལམ་ཆོས་དེ་བདེན་ནམ་རྫུན།། བདེན་ན་བདེན་པར་ཀྲི་ལེ་མཉམ།། རྫུན་ན་རྫུན་པར་ཀྲི་ལེ་མཉམ།། དེ་བཞིན་སྒྱུ་མའི་མཁན་པོ་ཡིས།། སྒྱུ་མའི་སྐྱེས་པ་བུད་མེད
237b4 དང་།། ཁང་ཁྱིམ་རོལ་མོ་གཅན་གཟན་ཀུན།། ཡོད་ནས་སྣང་ངམ་མེད་ནས་སྣང་།། སྒྱུ་མ་ཤེས་པས་སྒྱུ་མ་མེད།། སྒྱུ་མ་བདེན་རྫུན་སྒྱུ་མར་ཤེས།། དེ་བཞིན་འཁྲུལ་པའི་དངོས་པོ་འདི།། འཁྲུལ་པ་བདེན་རྫུན་འཁྲུལ
237b5 པས་ཤེས།། སྒྱུ་མའི་ཆོས་དང་ཀྲི་ལེ་མཉམ།། དེ་བཞིན་སྨིག་རྒྱུ་ཆུར་སྣང་བ།། ཡོད་ནས་མི་སྣང་མེད་ནས་སྣང་།། དངོས་པོའི་ཆུ་ཡང་དེ་བཞིན་ནོ།། སྨིག་རྒྱུ་ཉིད་དང་ཀྲི་ལེ་མཉམ།། ཅིས་ཏེ་བདེན་པ་མེད་པའི
237b6 ཕྱིར།། དེ་བཞིན་མིག་སྐྱོན་མིག་ཡོར་ཀྱང་།། ཡོད་ནས་མི་སྣང་མེད་ནས་སྣང་།། སྐྲ་ལོ་བལ་འདབ་ཁབ་ཙམ་ཀུན།། ཡོད་ནས་མི་སྣང་མེད་སྣང་ཕྱིར།། ཀུན་རྫོབ་དངོས་དང་ཀྲི་ལེར་མཉམ།། དངོས་པོ་འཁྲུལ་པ
iiif viewer powered by OpenSeadragon
