| e-texts navigator |
| Wylie |
237a1 ནི།། དངོས་པོར་སྣང་བ་ཇི་བཞིན་རྨི།། ཉིན་པར་བག་ཆགས་མཚོན་པ་ལ།། དེ་ལ་དངོས་པོ་ཡོད་དམ་མེད།། དཔེར་ན་མདང་གིས་རྨི་ལམ་ན།། སྐྱེས་བུ་མཚོན་ཐོགས་མང་པོ་ཡིས།། བདག་གསོད
237a2 འཐབ་མཁོན་རི་ལ་དེད།། བྲེད་སྔངས་ངལ་ཆད་ཤི་མེད་བྲོས།། སད་པར་གྱུར་ན་དེ་ཅིར་སྣང་།། དེ་བཞིན་སྣང་བའི་དངོས་པོ་འདི།། རི་རབ་གླིང་བཞི་འབྱུང་བ་ཀུན།། དགྲ་གཉེན་ཆགས་སྡང་སྡུག་བསྔལ་ཀུན།། སྒྱུ
237a3 མ་རྨི་ལམ་ཇི་བཞིན་ནོ།། ཡོད་ནས་མི་སྣང་མེད་ནས་སྣང་།། མཐོང་སྣང་ཆོས་ཀུན་ཡོད་པ་མེད།། མེད་ལ་ཡོད་གཟུགས་འཁྲུལ་པ་ཡིན།། འཁྲུལ་པའི་དུས་ན་ཡོད་པ་མེད།། ཀུན་རྫོབ་ཙམ་དུ་སུ་ལ་བདེན།། བདེན
237a4 ནམ་བདེན་ན་འགྲོ་བ་ཀུན།། ཐམས་ཅད་མ་ལུས་མཐུན་པར་རིགས།། དེས་ན་ཕྱོགས་མཐུན་ཙམ་ཡང་མེད།། དཔེར་བ་དངོས་པོ་ཆུ་ལྟ་བུ།། རིགས་དྲུག་རྟག་ཆད་ཐེག་པ་རྣམས།། ཕྱོགས་མཐུན་ཙམ་ཡང་མི་སྣང
237a5 ཕྱིར།། དེས་ན་མེད་ནས་སྣང་བ་ཡིན།། ཞེས་གསུངས་སོ།། དབང་མཆོག་རྒྱལ་པོའི་རྒྱུད་ལས། སྣང་བའི་གནད་བསལ་བའི་ལེའུ་སྟེ་ཉེར་ལྔ་པའོ།། །། དེ་ནས་ལག་ན་རྡོ་རྗེ་ཡིས།། སྟོན་པ་ཉིད་ལ་འདི་སྐད
237a6 གསོལ།། ཀྱེ་ཀྱེ་སྟོན་པ་རྡོ་རྗེ་འཆང་།། མེད་ནས་སྣང་བའི་དཔེ་དོན་གང་ལགས། བཀའ་སྩལ་པ། ཉོན་ཅིག་འདུས་པའི་འཁོར་ཚོགས་ཁྱེད།། འཁྲུལ་པ་སྣང་བ་སྣ་ཚོགས་འདི།། ཡོད་ནས་མི་སྣང་མེད་ནས
iiif viewer powered by OpenSeadragon
