| e-texts navigator |
| Wylie |
235b1 ཡེ་ནས་ཡིན་པར་མཉམ།། ཆོས་ཅན་ཡེ་ནས་ཡོད་པར་མཉམ།། མེད་ན་མེད་པར་ཡེ་ནས་མཉམ།། བདེན་ན་བདེན་པར་ཡེ་ནས་མཉམ།། རྫུན་ན་རྫུན་པར་ཡེ་ནས་མཉམ།། སྟོང་ན་སྟོང་པར་ཡེ་ནས་མཉམ།། དངོས
235b2 ན་དངོས་པོར་ཡེ་ནས་མཉམ།། སྣང་ན་སྣང་བར་ཡེ་ནས་མཉམ།། མཉམ་ཉིད་མཁའ་འདྲ་གུད་ན་མེད།། དཔེར་ན་གསེར་གཟུགས་ཆུ་ཡི་རོ།། དུག་མཆོག་ཧ་ལ་འབར་བ་དང་།། སྨན་མཆོག་ག་པུར་དཀར་པོ
235b3 གཉིས།། སྨན་དང་དུག་ཏུ་ཡེ་ནས་མཉམ།། ཞེས་གསུངས་སོ།། དབང་མཆོག་རྒྱལ་པོའི་རྒྱུད་ལས། ཆོས་ཉིད་མཉམ་པ་ཆོས་སྐུའི་ལེའུ་སྟེ་ཉེར་གསུམ་པའོ།། །། དེ་ནས་ཡང་ལག་ན་རྡོ་རྗེས་འདི་སྐད་ཅེས་གསོལ
235b4 ཏོ།། ཀྱེ་ཀྱེ་རྡོ་རྗེ་སེམས་དཔའ་ཆེ།། བདག་སྣང་ལོག་པ་ཡོད་དམ་མེད།། ཆོས་ཅན་སྣང་བ་བདེན་ནམ་རྫུན།། མི་དགེ་སྡང་དུ་ཡོད་དམ་མེད།། ཅེས་ཞུས་པས། རྡོ་རྗེ་སེམས་དཔས་བཀའ་སྩལ་པ།། ཉོན་ཅིག་རྡོ་རྗེ
235b5 འཛིན་པ་སོགས།། ང་མེད་རོ་དང་ཕྲོལ་ཅིག་འཁོར་ཚོགས་ཁྱེད།། ང་དང་སྣང་བ་གཉིས་པ་མེད།། ང་མེད་ང་གཅིག་སུ་ལ་འདུག། སྣང་མེད་སྣང་བ་སུ་ལ་བདེན།། ཆོས་ཅན་དངོས་པོ་གང་ན་འདུག། དགེ་དང་མི་དགེ
235b6 མཉམ་པ་ཉིད།། ང་མེད་བདག་མེད་ང་བདག་གང་།། སུ་ལ་ང་བདག་ཡོད་པ་འཁོར།། གང་ཞིག་ཐེ་ཚོམ་སུས་ཟ་བ།། ང་བདག་ལྟོས་ཤིག་ང་བདག་ལྟོས།། བཙལ་ཀྱང་འདུག་ན་ད་རུང་ཚོལ།། ཚོལ་མཁན་ཚོལ་བས
iiif viewer powered by OpenSeadragon
