| e-texts navigator |
| Wylie |
235a1 ཡིན།། བསམ་པས་ཡིན་ནམ་གང་གིས་ཡིན།། རྡོ་རྗེ་འཛིན་པའི་འཁོར་ཚོགས་ཀུན།། མིང་གིས་རྡོ་རྗེ་ཡིན་པས་ན།། མིང་གི་གང་གྲགས་རྡོ་རྗེ་འམ།། གཟུགས་ཀྱིས་རྡོ་རྗེ་ཡིན་པས་ན།། གཟུགས་སུ
235a2 གང་སྣང་རྡོ་རྗེའམ།། འདུས་པས་རྡོ་རྗེ་ཡིན་པ་ན།། ས་རྡོ་བོང་བ་རྡོ་རྗེའམ།། བྲལ་བའི་རྡོ་རྗེ་ཡིན་པས་ན།། འདུས་བྱས་ཐམས་ཅད་རྡོ་རྗེའམ།། མཚོན་པས་རྡོ་རྗེ་ཡིན་པས་ན།། དཔེ་བཀོད་ཐམས་ཅད་རྡོ
235a3 རྗེའམ།། ལས་ཀྱིས་རྡོ་རྗེ་ཡིན་པས་ན།། སེམས་ཅན་ཐམས་ཅད་རྡོ་རྗེའམ།། མདོག་གིས་རྡོ་རྗེ་ཡིན་པས་ན།། དཀར་དམར་ཐམས་ཅད་རྡོ་རྗེའམ།། དབྱིབས་ཀྱིས་རྡོ་རྗེ་ཡིན་པས་ན།། ཟླུམ་པ་ལ་སོགས་རྡོ
235a4 རྗེའམ།། བསམ་པས་རྡོ་རྗེ་ཡིན་པས་ན།། ཡིད་སྨོན་ཐམས་ཅད་རྡོ་རྗེའམ།། དེ་ལྟར་རྒྱུ་ཡིས་ཡིན་པ་མེད།། རྡོ་རྗེ་བྱ་བ་གང་ལ་ཟེར།། ཉོན་མོངས་རྟོགས་པ་སྐྱེས་པ་རྣམས།། དཔེར་ན་ཆོས་ཅན་རྡོ་རྗེ་འདི།། མིང་གིས
235a5 ནོ་ངེས་པར་འཇུག། གཟུགས་ཀྱིས་ཡིན་ནོ་སྒོ་ང་རལ།། མཚོན་པས་ཡིན་ནོ་ཆོས་ཅན་འདི།། ལས་ཀྱིས་ཡིན་ནོ་ཆོས་བདུན་ལྡན།། འདུས་པས་ཡིན་ནོ་འབྲལ་བ་ཡིན།། མདོག་གིས་ཡིན་ནོ་ཞི་རྒྱས
235a6 ཀྱིས།། དབྱིབས་ཀྱིས་ཡིན་ནོ་དེ་བཞིན་ནོ།། བསམ་པས་ཡིན་ནོ་དེ་བཞིན་ནོ།། དེ་ལྟར་རྒྱུ་ཡིས་ཡིན་པ་སྟེ།། སྣང་སྲིད་ཐམས་ཅད་རྡོ་རྗེ་ཡིན།། རྡོ་རྗེར་མ་གྱུར་གང་ཡང་མེད།། དེ་ལྟར་རྡོ་རྗེ་མཚོན་པ་འདི།། ཡིན་ན
iiif viewer powered by OpenSeadragon
