| e-texts navigator |
| Wylie |
234b1 སྨྲའོ།། དེ་ནས་ལག་ན་རྡོ་རྗེས་འཁོར་དེ་དག་ལ་ཡིད་ཆེས་པར་བྱ་བའི་ཕྱིར། བོས་ཤིང་བསྡུས་ཏེ་འདི་སྐད་ཅེས་གསུངས་སོ།། འདུས་པ་རྣམས་ཐེ་ཚོམ་བཅད་པར་བྱའོ།། རྡོ་རྗེ་སེམས་དཔའི་ཞལ་དང་སྤྱོད་ཀྱིས
234b2 ལོངས་ཤིག། ཆོས་ཀྱི་སྐུ་དང་མཇལ་ཏེ་འོང་ངོ་།། ཞེས་གསུངས་ཏེ། འཁོར་རྣམས་སླར་འདུས་ཏེ་རྡོ་རྗེ་སེམས་དཔའི་དྲུང་དུ་བསྐོར་བ་དང་། ཕྱག་དང་མཆོད་པའི་ཚོགས་ཀྱིས་མཆོད་དེ་འཁོད
234b3 དོ།། དབང་མཆོག་རྒྱལ་པོའི་རྒྱུད་ལས། གསང་བའི་ཆོས་ཉིད་ལ་ཡིད་མ་ཆེས་པའི་ལེའུ་སྟེ་ཉེར་གཉིས་པའོ།། །། དེ་ནས་བཛྲ་པཱ་ཎི་ཡིས།། རྡོ་རྗེ་འཆང་ལ་འདི་སྐད་གསོལ།། ཀྱེ་ཀྱེ་རྡོ་རྗེ་སེམས་དཔའ
234b4 མཆོག། གསང་སྔགས་གསང་བ་མཉམ་མི་མཉམ།། ང་བདག་རང་སྣང་ཡོད་དམ་མེད།། ཆོས་ཅན་དངོས་གཅིག་བདེན་ནམ་རྫུན།། བག་ཆགས་རེ་དོགས་འབྲལ་མི་འབྲལ།། ཞེས་ཞུས་པས།། རྡོ་རྗེ་སེམས་དཔས
234b5 བཀའ་སྩལ་པ།། སྟོབས་ཅན་རྡོ་རྗེ་འཁོར་འདུས་ཉོན།། ཆོས་ཉིད་ཆོས་སྐུའི་དགོངས་ཚད་ནི།། མཉམ་པ་ཉིད་དུ་མཁྱེན་པ་ཡིན།། མཉམ་པ་ཉིད་ལ་གཉིས་མེད་དེ།། དཔེར་ན་ཆོས་ཅན་ངོ་བོ་གཅིག། ཕྱི་རོལ་ཀ་བ
234b6 བུམ་པ་དང་།། དཔེར་ན་རྡོ་རྗེ་ལྟ་བུ་འདི།། མིང་གིས་ཡིན་ནམ་གཟུགས་ཀྱིས་ཡིན།། མཚོན་པས་ཡིན་ནམ་ལས་ཀྱིས་ཡིན།། འདུས་པས་ཡིན་ནམ་འབྲལ་བས་ཡིན།། མདོག་གིས་ཡིན་ནམ་དབྱིབས་ཀྱིས
iiif viewer powered by OpenSeadragon
