| e-texts navigator |
| Wylie |
233b1 གསེག་ཤང་དྲང་སྲོང་སྒྲ་སྒྲོགས་འདི།། ཐུགས་རྟགས་ཞི་ཁྲོའི་ལྷ་ཡི་བརྡའ།། རིགས་ཀྱི་བུ་ལ་དབང་བསྐུར་རོ།། ཨ་བ་དྷཱུ་ཏཱིའི་དབང་ཐོབ་ཤོག། རྡོ་རྗེ་འཁོར་ལོ་རིན་པོ་ཆེ།། པདྨ་རྒྱ་གྲམ་ཐུགས་ཀྱི་རྟགས།། རིགས་ཀྱི
233b2 བུ་ལ་དབང་བསྐུར་བས།། འཁོར་ལོ་ལྔ་ལ་དབང་རྫོགས་ཤོག། ཅེས་སྔགས་ཏིང་འཛིན་ཚིགས་བཅད་ཀྱིས།། རིག་འཛིན་དེ་ལ་དབང་བསྐུར་བས།། ལྷ་དབང་ལུས་ཀྱིས་ཐོབ་པར་གྱུར།། རང་ལུས་རྒྱལ་བའི་སྐུར
233b3 རྫོགས་ཀྱང་།། མྱ་ངན་འདས་པའི་དོན་མ་རྟོགས།། རྟོག་བཅས་ལྷ་ཡི་དབང་ཞེས་བྱ།། ཞེས་གསུངས་སོ།། དབང་མཆོག་རྒྱལ་པོའི་རྒྱུད་ལས། ལྷ་དབང་བསྐུར་བའི་ལེའུ་སྟེ་ཉེར་གཅིག་པའོ།། །། དེ་ནས་རྡོ་རྗེ
233b4 སེམས་དཔའ་ཡིས།། བློ་ལྡན་སློབ་བུ་དེ་ལ་ནི།། ཐབས་ཀྱི་དབང་བསྐུར་བརྡའ་རུ་བསྟན།། ཤེས་རབ་དབང་བསྐུར་ཤེས་སམ་བལྟ།། གསང་བའི་དབང་བསྐུར་རང་ཉམས་བསྟན།། ཚིག་གི་དབང་བསྐུར་མེད་པར
233b5 བསྟན།། ཐབས་ཀྱི་དབང་བསྐུར་བསྟན་པ་ནི།། ཕྱི་ནང་སྣོད་བཅུད་ཐམས་ཅད་ཀྱི།། སྣང་བ་ཡོད་མེད་བརྡའ་རུ་བསྟན།། གཅིག་ལས་སྣ་ཚོགས་བསྒྱུར་བྱས་པས།། སྣང་བ་ཡོད་མེད་བསྟན་པ་ཡིན།། ལྷ་ཚོགས་བསྐུར
233b6 བ་མིང་གིས་མཚོན།། རི་རབ་གླིང་བཞི་དཀྱིལ་འཁོར་དང་།། བུམ་པ་སྐུ་དང་རྡོ་རྗེ་དང་།། འཁོར་ལོ་རིན་ཆེན་པདྨ་དང་།། རྒྱ་གྲམ་རལ་གྲི་ཙེ་གསུམ་དང་།། ཕུར་བུ་མདའ་དང་གཞུ་དང་ནི།། མེ་ལོངས་དབྱིབས་དང
iiif viewer powered by OpenSeadragon
