| e-texts navigator |
| Wylie |
232a1 ཥིཉྩ་ཨཿཞེས་དབང་བསྐུར་བས་ལྷ་མ་ཡིན་གཞན་རྣམས་ཀྱང་བྱམས་པའི་སེམས་སྐྱེས་ཏེ། སྙིང་རྗེ་ཚད་མེད་པ་ལ་གནས་སོ།། འཐབ་རྩོད་ཐམས་ཅད་དུས་དེར་རང་ཞིའོ།། སྒྲ་གཅན་ནག་པོ་དེ་བཛྲ་པཱ
232a2 ཅིས་བསྒྲལ་ལོ།། ལྷ་མ་ཡིན་གཞན་རྣམས་ཀྱང་དགེ་བའི་སེམས་ལ་གནས་ཏེ། སྐྱེ་བ་གཉིས་པ་དང་གསུམ་པ་ཤ་སྟག་ཏུ་གྱུར་ཏོ།། དབང་མཆོག་རྒྱལ་པོའི་རྒྱུད་ལས། སྒྲ་གཅན་ནག་པོ་བསྒྲལ་བའི་ལེའུ་སྟེ་བཅུ་དགུ
232a3 པའོ།། །། དེ་ནས་སྔར་གྱི་སེམས་ཅན་དེས།། ལྷ་ཡི་གནས་སུ་སྐྱེ་བ་བླངས།། ལྷ་གནས་རྣམ་པ་གསུམ་ལས་ནི།། འདོད་ཁམས་སུམ་བཅུ་རྩ་གསུམ་གྱི།། དགེ་བའི་ངང་ཚུལ་བྱ་བར་སྐྱེས།། ལྷ་མོ་བདུན་དང་ལྡན
232a4 ཅིག་འགྲོགས།། འདོད་ཡོན་ཆགས་པ་ཅན་དེ་ལ།། བཛྲ་པཱ་ཎིས་འདི་སྐད་བསྒྲགས།། དེ་ཝ་ཙ་ཀྵ་པྲ་བེ་ཤ་ཡ་ཨཿདགེ་བའི་ངང་ཚུལ་དེ་ཐོས་ནས།། སྔོན་གྱི་ལས་ངན་སྐྱེ་བ་དྲན།། རང་གི་རྒྱན་བཀྲོལ་ཐོགས་ནས
232a5 ནི།། འགྲོ་མགོན་ཉིད་ལ་ངོ་དམའ་ཞིང་།། ཀྱེ་མ་ཀྱེ་ཧུད་ཐུགས་རྗེ་ཆེ།། བདག་འདྲ་རྨོངས་པ་འདུ་འཛི་ཅན།། དམ་ཚིག་རྩ་བ་ཉམས་པའི་སྐྱོན།། ངན་སོང་མཐོ་རིས་གནས་ན་འཁོད།། མི་འཆབ་མཐོལ་བཤགས་མེ
232a6 ཏོག་བཞེས།། དབང་བསྐུར་ལྷ་ཡི་གནས་ནས་དྲོངས།། ཞེས་གསོལ་རང་གི་རྒྱུན་ཕུལ་ལོ།། དེ་ནས་ལག་ན་རྡོ་རྗེ་ཡིས།། ང་རྒྱལ་ཕྲག་དོག་འཇོམས་བྱེད་པའི།། པི་ཝང་ལག་ཏུ་ཐོགས་ནས་ནི།། དགེ
iiif viewer powered by OpenSeadragon
