| e-texts navigator |
| Wylie |
22b1 གསལ་གྱི་རྒྱུད་ཆེན་པོ་ལས། འཁྲུལ་པའི་རྒྱུ་དང་དུས་བསྟན་པའི་ལེའུ་སྟེ་བཅོ་བརྒྱད་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་། འཁྲུལ་པའི་རྐྱེན་རྣམས་གསུང་དུ
22b2 གསོལ། ཞེས་ཞུས་སོ།། སྟོན་པས་བཀའ་སྩལ་པ། རིགས་ཀྱི་བུ་ངས་བཤད་ཁྱོད་ཀྱིས་ཡིད་ལ་ཟུང་། རྒྱུ་དང་རྒྱུ་ཡིས་རྐྱེན་དུ་བསྟན།། བདག་པོའི་རྐྱེན་དང་དམིགས་པའི་རྐྱེན།། མཚུངས་པའི་རྐྱེན་དང་དེ་བཞིའོ།། རྒྱུ
22b3 དང་རྒྱུ་ཡིས་རྐྱེན་བཤད་པའོ།། རྒྱུ་ནི་རིག་པ་འགག་པ་མེད། རྐྱེན་ནི་ཆོས་ཉིད་སྟོང་པ་ཡིན། རིག་པ་ཆོས་སྐུའི་མཚན་ཉིད་ནི། རིག་སྟོང་དབྱེར་མེད་ཤེས་རབ་ཐོགས་པ་མེད། མཐིང་ག་དཀར་སེར་དམར་དང་ལྡང
22b4 གུ་ཡིས། སོ་སོའི་མཚན་ཉིད་འཛིན་ཅིང་རང་རང་རྒྱུར་གནས་པའི།། ཆོས་ཉིད་དག་པ་མེ་ལོང་ལྟ་བུར་ཤར། ཡེ་ཤེས་འབྱུང་ལྡན་ནམ་མཁའི་གཞའ་ལྟར་ཡལ། དེ་ཡི་སྐད་ཅིག་ཕྱི་མ་ལ། དེ་ལས་དེ་བཞིན་བྱད་དང
22b5 གཟུགས་བརྟན་བཞིན།། རང་ལས་བྱུང་བའི་རྣམ་རྟོག་བདག་རྐྱེན་ཤར།། དེ་ཡི་སྐད་ཅིག་ཕྱི་མ་ལ།། དམིགས་པའི་རྣམ་པ་ཡུལ་དུ་སྣང་།། རྐྱེན་དུ་འཛིན་པའི་རྟོག་པ་བྱུང་།། དེ་ལ་དམིགས་པའི་རྐྱེན་ཞེས
22b6 བརྗོད།། དེ་རྣམས་མཚུངས་པས་འཁྲུལ་རྐྱེན་བྱས།། དེ་ལ་མཚུངས་པའི་རྐྱེན་ཞེས་བརྗོད།། དེ་དུས་གཟུང་འཛིན་རྣམ་རྟོག་གིས།། རང་བཞིན་འོད་ལྔ་གསལ་མ་ནུས།། གཟུགས་བརྙན་ལྔ་ལ་བག་ཆགས
iiif viewer powered by OpenSeadragon
