| e-texts navigator |
| Wylie |
22a1 ཏེ། སྐད་ཅིག་མ་སྔ་ཕྱིའི་ཚུལ་ལོ།། དཔེ་རྒན་མོ་ལོང་མ་དང་འདྲའོ།། ཀྱེ་མ་རིགས་ཀྱི་བུ། མ་རིག་པ་དེ་ཡང་དག་པར་ཡོད་པ་མ་ཡིན། འོ་ན་ཇི་ལྟ་བུ་ཞེ་ན། ཟོ་ཡོར་རམ་ཟག་པ་ལ་མི་བདེན་པ་བཞིན་དུ
22a2 རྒྱུརྒྱས་མེད་དམ་སྔར་སུན་པའི་མི་ལ་དགྲར་སྣང་བའམ། སྣང་བ་མ་དག་པ་ལས་ཐག་པ་ལ་སྦྲུལ་དུ་སྣང་བ་ལྟ་བུའོ།། དེ་ནི་ཡང་དག་པར་མེད་བཞིན་དུ་སྣང་། སྣང་བཞིན་དུ་སྟོང་པའོ།། རིགས་ཀྱི་བུ་དཔེ་དེ་བཞིན་དུ།།
22a3 མ་རིག་དངོས་སུ་མེད་ལ་ཉམས་སུ་ཡོད་པའོ།། དེ་ཅི་ལས་བྱུང་ཞེ་ན། ལུས་ཀྱི་ཐ་མ་རྫོགས་པས་ཤེས་རབ་ཀྱི་རྩལ་མ་རྫོགས་ཏེ། ཤེས་རབ་ཀྱི་རྩལ་མ་རྫོགས་པས་མཐོང་བའི་ཡུལ་ཡེ་ཤེས་ཀྱི་རང་གདངས་ལྔ་ལ་ཤེས
22a4 པའི་དྲན་པ་མ་སད་དོ།། དེ་ཡང་མ་གཡོས་པའི་ངང་ཀུན་ཏུ་བཟང་པོ་ལས། ངང་གི་རང་བཞིན་ཡེ་ཤེས་ཀྱི་འབྱུང་བ་ཡུལ་མ་འགགས་པར་སྣང་བ་ལ། སྔར་མཐོང་མ་མྱོང་བ་དེ་ལས་ཡིད་འགྲོགས་ཏེ། རང་སྣང་ཆེན
22a5 པོར་རྟོགས་པའི་མཐའ་མཆོད་དོ།། རིགས་ཀྱི་བུ་མ་རིག་པའི་གཏན་ཚིགས་སོ།། མ་རིག་པ་དང་། མ་ཤེས་པ་དང་། གཏི་མུག་དང་། མ་རྟོགས་པ་དང་། མ་གོམས་པ་དང་། དོན་མ་མཐོང་བས་འཁྲུལ་པ་དང་། ཕྱིན
22a6 ཅི་ལོག་པ་ལ་སོགས་པ་བྱུང་ཡང་མ་རིག་པ་གཉིས་སུ་བཤད། ཅེས་གསུངས་སོ།། ཀྱེ་གསང་བའི་བདག་པོ་འཁྲུལ་པའི་དུས་ནི་རང་གི་ལུས་ལས་ཤར་སྟེ་འཛིན་པ་སྐྱེ་བའི་དུས་སོ།། ཞེས་གསུངས་སོ།། སྤྲོས་བྲལ་དོན
iiif viewer powered by OpenSeadragon
